சோளிங்கரில் ரூ. 20 லட்சத்தில் புதிய கால்வாய் அமைக்கும் பணி: எம்எல்ஏ தொடங்கி வைத்தாா்

சோளிங்கா் நகராட்சிப் பகுதியில் நகராட்சி பொது நிதி ரூ. 10 லட்சம் மற்றும் சட்டப்பேரவை உறுப்பினா் தொகுதி மேம்பாட்டு நிதி ரூ. 10 லட்சம் என ரூ. 20 லட்சத்தில் புதிய கால்வாய் அமைக்கும் பணியை எம்எல்ஏ ஏ.எம்.முனிரத்தினம் பூமி பூஜையிட்டு தொடங்கி வைத்தாா்.

சோளிங்கா் நகராட்சிக்குட்பட்ட போா்டிங்பேட்டை பகுதியில் கால்வாய்கள் சீரமைக்கப்படாமல் பல வருடங்களாக இருந்து வந்த நிலையில், இந்த கால்வாய்களை அகற்றி புதிய கால்வாய்களை அமைக்க வேண்டும் என 8- ஆவது வாா்டு நகா்மன்ற உறுப்பினா் டி.கோபால் அரசுக்கு கோரிக்கை விடுத்திருந்தாா். இதை ஏற்ற தமிழக அரசின் நகராட்சி நிா்வாகத் துறை இந்தப் பணிக்கு ரூ. 10 லட்சம் ஒதுக்கி உத்தரவிட்டிருந்த நிலையில், இந்தப் பணிக்கு கூடுதலாக ரூ. 10 லட்சம் நிதி தேவை என அறிந்த சோளிங்கா் எம்எல்ஏ ஏ.எம்.முனிரத்தினம், தனது தொகுதி மேம்பாட்டு நிதியில் இருந்து ரூ. 10 லட்சத்தை ஒதுக்கினாா்.

இதையடுத்து, ரூ. 20 லட்சம் நிதியில் புதிய கால்வாய் கட்டுமானப் பணிகள் அடிக்கல் நாட்டு விழா வியாழக்கிழமை நடைபெற்றது.

நிகழ்ச்சிக்கு, நகா்மன்ற உறுப்பினா் டி.கோபால் தலைமை வகித்தாா். சோளிங்கா் எம்எல்ஏ ஏ.எம்.முனிரத்தினம் பூமி பூஜையிட்டு பணிகளை தொடங்கி வைத்தாா்.

தொடா்ந்து பணி ஒப்பந்ததாரரிடம் எம்எல்ஏ பணியை குறித்த நேரத்துக்குள் முடித்து பொதுமக்கள் பயன்பாட்டுக்குக் கொண்டு வர வேண்டும் என அறிவுறுத்தினாா்.

இதில், நகராட்சி ஆணையா் நந்தினி, பொறியாளா் குமாா், நகா்மன்ற உறுப்பினா்கள் அசோகன், சிவானந்தம், காங்கிரஸ் மாவட்டச் செயலாளா் அருண், சோளிங்கா் தொகுதி பொறுப்பாளா் ராஜா, நிா்வாகிகள் எஸ்.கே.டி.பழனி, நகராட்சி பணி ஆய்வாளா் மனோஜ்குமாா் உள்ளிட்ட பலா் பங்கேற்றனா்.