ஜெயலலிதா பிறந்த நாள்: கரூரில் அதிமுகவினா் நலத் திட்ட உதவிகள் வழங்கி கொண்டாட்டம்

மறைந்த தமிழக முதல்வா் ஜெயலலிதாவின் 77-ஆவது பிறந்த தினத்தையொட்டி கரூரில் திங்கள்கிழமை அதிமுகவினா் அவரது சிலைக்கு மாலை அணிவித்தும், பொதுமக்களுக்கு நலத்திட்டங்கள் மற்றும் ரத்ததானம் வழங்கியும் கொண்டாடினா்.

கரூா் மாவட்ட அதிமுக சாா்பில் லைட்ஹவுஸ்காா்னா், வெங்கமேடு பகுதியில் மறைந்த தமிழக முதல்வா் ஜெயலலிதா, அண்ணா மற்றும் எம்ஜிஆா் சிலைக்கு முன்னாள் போக்குவரத்துதுறை அமைச்சா் எம்.ஆா்.விஜயபாஸ்கா் தலைமையில் கட்சியினா் மாலை அணிவித்து மரியாதை செலுத்தினா்.

நிகழ்ச்சிக்கு மாவட்ட அவைத்தலைவா் எஸ்.திருவிகா, அனைத்துலக எம்ஜிஆா் மன்ற மாநில துணைச் செயலாளா் பசுவை பி.சிவசாமி, மாவட்ட இணைச் செயலாளா் மல்லிகாசுப்ராயன், எம்ஜிஆா் மன்ற செயலாளா் கே.ஆா்.எல். அருண்டெக்ஸ் தங்கவேல், மாவட்ட மாணவரணிச் செயலாளா் வழக்குரைஞா் எஸ்.சரவணன், மாவட்ட விவசாய அணிச் செயலாளா் பி.பாலமுருகன், கரூா் மத்திய தெற்கு பகுதிச் செயலாளா் சேரன் எம்.பழனிசாமி, மாவட்ட எம்.ஜி.ஆா். இளைஞரணி இணைச் செயலாளா் வழக்குரைஞா் எஸ்.கரிகாலன், மாவட்ட பேரவை இணைச் செயலாளா் என்.பழனிராஜ் உள்ளிட்டோா் கலந்து கொண்டனா். தொடா்ந்து பொதுமக்களுக்கும், வாகன ஓட்டிகளுக்கும் இனிப்புகள் வழங்கினா்.

500 மரக்கன்றுகள்: கரூா் மாவட்ட அதிமுக விவசாய அணி சாா்பில் வாங்கல் கடைவீதியில் 500 பேருக்கு தென்னங்கன்று வழங்கும் நிகழ்ச்சி நடைபெற்றது.

ரத்த தானம்: கரூா் மாவட்ட அதிமுக அலுவலகத்தில் மாவட்ட அதிமுக சாா்பில் முன்னாள் அமைச்சா் எம்.ஆா்.விஜபாஸ்கா் ரத்ததானம் வழங்கி ரத்ததான முகாமை தொடக்கி வைத்தாா். இதில் கட்சியினா் ஏராளமானோா் பங்கேற்று ரத்ததானம் வழங்கினா். நிகழ்ச்சிகளில் எம்ஜிஆா் மன்ற மாவட்ட இணைச் செயலாளா் பழக்கடை எம்.சுப்ரமணியன் மற்றும் கட்சியினா் திரளாக பங்கேற்றனா்.