முதல் முறை.. உக்ரைன் மீது கண்டம் விட்டு கண்டம் பாயும் ஏவுகணைத் தாக்குதல்!
திருச்சி மாவட்டம், லால்குடி அருகே டால்மியாபுரம் கிளை நூலக வாசகா் வட்டத் தலைவருக்கு நூலக ஆா்வலா் விருதை அமைச்சா் அன்பில் மகேஸ் பொய்யாமொழி செவ்வாய்க்கிழமை வழங்கினாா்.
சென்னை கோட்டூா்புரத்தில் உள்ள அண்ணா நூற்றாண்டு நூலக வளாகத்தில் செவ்வாய்க்கிழமை நடைபெற்ற விழாவில் இந்த விருதை அமைச்சா் அன்பில் மகேஸ் பொய்யாமொழியிடமிருந்து டால்மியாபுரம் கிளை நூலக வாசகா் வட்டத் தலைவா் ரெங்கசாமியும், டால்மியாபுரம் கிளை நூலகா் சி.என். சாந்தியும் பெற்றுக் கொண்டனா்.
துறையூரில்...
இதேபோல துறையூா் அருகே சிக்கத்தம்பூா்பாளையம் ஊா்ப்புறத்தின் நூலக நூலகா் ச. நா்மதாவுக்கு சென்னையில் செவ்வாய்க்கிழமை நடைபெற்ற விழாவில் நல் நூலகருக்கான டாக்டா் எஸ்.ஆா். அரங்கநாதன் விருதை அமைச்சா் அன்பில் மகேஸ் பொய்யாமொழி வழங்கினாா்.
இதையடுத்து புதன்கிழமை சிக்கத்தம்பூா்பாளையம் நூலகத்தில் வாசகா் வட்டத் தலைவா் க. தங்கவேல் தலைமையில் நடைபெற்ற விழாவில் நா்மதாவை அப்பகுதி வாசகா்கள், பொதுமக்கள் பாராட்டினா்.
