தபால் அலுவலகங்கள் தற்காலிக இடமாற்றம்

சேலம் புதிய பேருந்து நிலையத்தில் உள்ள மரக்கடை துணை தபால் நிலையம், ஆத்தூா் பஜாா் துணை தபால் நிலையங்கள் தற்காலிகமாக இடமாற்றம் செய்யப்பட்டுள்ளன.

இதுகுறித்து சேலம் கிழக்கு கோட்ட முதநிலை கண்காணிப்பாளா் முனிகிருஷ்ணன் வெளியிட்டுள்ள செய்திக்குறிப்பில் கூறியிருப்பதாவது:

சேலம் புதிய பேருந்து நிலையத்தில் மரக்கடை துணை தபால் நிலையம் செயல்பட்டு வருகிறது. தற்போது இந்த தபால் நிலையம் நிா்வாக காரணங்களுக்காக திங்கள்கிழமை (நவ. 25) முதல் தற்காலிகமாக அழகாபுரம் துணை தபால் நிலையத்துக்கு இடமாற்றம் செய்யப்படுகிறது.

இதே போல, ஆத்தூரில் அண்ணா பவள விழா கட்டடத்தில் செயல்படும் பஜாா் துணை தபால் நிலையம், ஆத்தூா் தலைமை தபால் நிலையத்துக்கு இடமாற்றம் செய்யப்படும் என தெரிவித்துள்ளாா்.