ஈரானின் அணுசக்தி தளத்தை பங்கர் பஸ்டர் குண்டுகள் முழுமையாக அழிக்கவில்லை! - உளவுத்...
தமிழகத்தில் செவ்வாய்க்கிழமை மதுரை உள்பட 5 இடங்களில் வெப்பநிலை 100 டிகிரி ஃபாரன்ஹீட்டுக்கும் அதிகமாக பதிவானது.
இதுகுறித்து சென்னை வானிலை ஆய்வு மையம் வெளியிட்ட செய்திக் குறிப்பு:
தமிழகத்தில் செவ்வாய்க்கிழமை அதிகபட்சமாக ஈரோட்டில் 102.2 டிகிரி ஃபாரன்ஹீட் வெப்பநிலை பதிவானது. நாகை - 100.76 டிகிரி, மதுரை விமான நிலையம், தொண்டி, தஞ்சாவூா் - தலா 100.4 டிகிரி என மொத்தம் 5 இடங்களில் வெப்பம் சதம் அடித்துள்ளது.
மேலும், புதன்கிழமை (ஜூன் 25) தமிழகத்தில் அதிகபட்ச வெப்பநிலை இயல்பைவிட 3 டிகிரி செல்சியஸ் அதிகமாக இருக்கும்.
மிதமான மழை: மேற்கு திசை காற்றின் வேகமாறுபாடு காரணமாக, ஜூன் 24 முதல் ஜூன் 30 வரை தமிழகத்தில் ஓரிரு இடங்களிலும், புதுச்சேரி, காரைக்கால் பகுதிகளிலும் மிதமான மழை பெய்ய வாய்ப்புள்ளது.
சென்னை மற்றும் புகா் பகுதிகளில் புதன்கிழமை லேசான மழை பெய்ய வாய்ப்புள்ளது எனத் தெரிவிக்கப்பட்டுள்ளது.
