‘தமிழகத்தில் மீண்டும் அதிமுக ஆட்சி அமையும்’

தமிழகத்தில் 2026-இல் மீண்டும் அதிமுக ஆட்சி அமையும், எடப்பாடி பழனிசாமி மீண்டும் முதல்வராக பதவியேற்பாா் என முன்னாள் அமைச்சரும் அதிமுக மாவட்டச் செயலருமான ஆா். காமராஜ் எம்எல்ஏ தெரிவித்தாா்.

மன்னாா்குடியில் அதிமுக கட்சி அலுவலகத்தில் சனிக்கிழமை நடைபெற்ற மாவட்ட நிா்வாகிகள் ஆலோசனைக் கூட்டத்துக்கு தலைமை வகித்து அவா் பேசியது:

மாவட்டத்தில் பருத்தி சாகுபடி செய்துள்ள விவசாயிகள் மிகுந்த பாதிப்புக்குள்ளாகி வருகின்றனா். அவா்களின் பிரச்னைகளை கண்டுகொள்ளாத திமுக அரசை கண்டித்து பருத்தி விவசாயிகளின் வாழ்வாதாரத்தை பாதுகாக்கும் வகையில் கட்சி பொதுச் செயலா் எடப்பாடி பழனிசாமியின் உத்தரவின் பேரில் ஜூலை 1-ஆம் தேதி திருவாரூரில் அதிமுக சாா்பில் ஆா்ப்பாட்டம் நடைபெறுகிறது. இதில், திரளான அளவில் கலந்துகொண்டு ஆா்ப்பாட்டத்தை வெற்றி பெற செய்ய வேண்டும்.

2026-இல் தமிழக சட்டப்பேரவைத் தோ்தலுக்கு பிறகு அதிமுக முழு பலத்துடன் வெற்றி பெற்று மீண்டும் அதிமுக ஆட்சி அமையும். எடப்பாடி கே. பழனிசாமி முதல்வராக பதவியேற்பாா்.

இதற்காக, எடப்பாடி பழனிசாமி தோ்தல் பரப்புரை பயணத்தை மேற்கொள்ள இருக்கிறாா். ஜூலை 14-ஆம் தேதி நன்னிலம் தொகுதியில் பரப்புரை தொடங்கவுள்ளது. நன்னிலம், திருவாரூா், திருத்துறைப்பூண்டி, மன்னாா்குடி ஆகிய நான்கு தொகுதிக்கு உட்பட்ட பகுதியில் ஒரு தொகுதிக்கு ஒரு ரோட் ஷோ, ஒரு பொதுக்கூட்டம் என்ற அளவில் நடைபெறும் என்றாா்.

கட்சி மாநில அமைப்புச் செயலா் சிவா. ராஜமாணிக்கம், முன்னாள் எம்எல்ஏ பாப்பா சுப்பிரமணியம், மாவட்ட துணைச் செயலா்கள் த. உதயகுமாரி, அம்பிகாபதி, ஜெ. பேரவை மாவட்டச் செயலா் பொன். வாசுகிராம், மாவட்ட மகளிரணி தலைவா் டி. சுதா, மாவட்ட வா்த்தக அணி செயலா் ரயில் பாஸ்கா் உள்ளிட்டோா் கலந்துகொண்டனா்.