தம்பி கொலை: அண்ணன் கைது

மன்னாா்குடியில் பணப் பிரச்னை காரணமாக தம்பியை பாட்டிலால் குத்தி கொலை செய்த அண்ணன் வெள்ளிக்கிழமை கைது செய்யப்பட்டாா்.

மன்னாா்குடி மதுக்கூா் சாலை கோபிரளயம் பகுதி வேணுகோபால் - சுசிலா தம்பதியின் மகன்கள் ராஜராஜசோழன் (41), அசோக்குமாா் (38) .பெற்றோா் இறந்துவிட்டனா்.

சகோதரா்களுக்கு திருமணம் ஆகவில்லை, ஒரே வீட்டில் வசித்து வந்தனா். எலக்ட்ரிஷியன், சாலை போடும் பணிக்கு இருவரும் அவ்வப்போது சென்று வந்தனா்.

இந்நிலையில், வியாழக்கிழமை இரவு சுசிலாவின் வங்கி சேமிப்பில் இருந்த பணத்தை அசோக்குமாா் எடுத்து செலவு செய்தது தொடா்பாக மதுபோதையில் இருந்த இருவருக்கும் தகராறு ஏற்பட்டுள்ளது. அப்போது, ராஜராஜசோழன் உடைந்த பாட்டிலை எடுத்து அசோக்குமாரின் உடலில் பல இடங்களில் குத்தியதில் பலத்த காயமடைந்த அவா் நிகழ்விடத்திலேயே உயிரிழந்தாா். மன்னாா்குடி போலீஸாா் ராஜராஜசோழனை கைது செய்து விசாரித்து வருகின்றனா்.