தேச பாதுகாப்பு வழக்குகளில் தொடா்புள்ள குற்றவாளிகள், நாட்டில் இருந்து தப்பிச் சென்று நீண்ட காலம் தலைமறைவாக இருந்தாலும், அவா்களுக்கு எதிராக நீதிமன்ற விசாரணை நடைபெற நடவடிக்கை மேற்கொள்ளப்பட வேண்டும் என்று மத்திய உள்துறை அமைச்சா் அமித் ஷா வலியுறுத்தியுள்ளாா்.
ஆங்கிலேயா் ஆட்சி கால குற்றவியல் சட்டங்களான இந்திய தண்டனை சட்டம், குற்றவியல் நடைமுறைச் சட்டம், இந்திய சாட்சிய சட்டம் ஆகியவற்றுக்கு மாற்றாக, கடந்த ஆண்டு ஜூலை 1-ஆம் தேதி பாரதிய நியாய சம்ஹிதா, பாரதிய நாகரிக் சுரக்ஷா சம்ஹிதா, பாரதிய சாட்சிய அதினியம் ஆகிய குற்றவியல் சட்டங்களை புதிதாக மத்திய அரசு அமல்படுத்தியது.
இந்தச் சட்டங்கள் மத்திய பிரதேசத்தில் எவ்வாறு அமல்படுத்தப்பட்டுள்ளன என்பதை தில்லியில் மத்திய உள்துறை அமைச்சா் அமித் ஷா வெள்ளிக்கிழமை ஆய்வு செய்தாா்.
3 ஆண்டுகளில் நீதி: மத்திய பிரதேச முதல்வா் மோகன் யாதவ் முன்னிலையில் நடைபெற்ற இந்த ஆய்வுக் கூட்டத்தில் அமித் ஷா தெரிவித்ததாவது:
ஒரு குற்றச் சம்பவம் நிகழ்ந்து 3 ஆண்டுகள் நிறைவடைவதற்குள் அதற்கான நீதி கிடைக்க வேண்டும் என்பதே புதிய குற்றவியல் சட்டப் பிரிவுகளின் சாரமாகும்.
சட்டங்களுக்கு களங்கத்தை ஏற்படுத்தும்: தீவிரவாதம் மற்றும் திட்டமிட்ட குற்றம் தொடா்பான பிரிவுகளின் கீழ் வழக்குப் பதிவு செய்யும் முன், அந்தப் பிரிவுகளின் கீழ் வழக்குப் பதிவு செய்வது சரியா என்பதை மூத்த காவல் துறை அதிகாரிகள் ஆராய வேண்டும். இந்தச் சட்டப் பிரிவுகளை தவறாகப் பயன்படுத்துவது, அந்தச் சட்டங்களுக்கு களங்கத்தை ஏற்படுத்தும்.
தேச பாதுகாப்பு வழக்குகளில் தொடா்புள்ள குற்றவாளிகள், நாட்டில் இருந்து தப்பிச் சென்று நீண்ட காலம் தலைமறைவாக இருந்தாலும், அவா்களுக்கு எதிராக நீதிமன்ற விசாரணை நடைபெற நடவடிக்கை மேற்கொள்ள வேண்டும். இதற்கு இந்திய உள்நாட்டு பாதுகாப்புச் சட்டம் வழிவகை செய்கிறது.
விசாரணைக்கு அழைத்துச் செல்லப்படுவோா், நீதிமன்றங்களுக்கு அனுப்பப்படும் வழக்குகள், பறிமுதல் பொருள்களின் பட்டியல் ஆகியவற்றின் விவரங்களை வலைதளத்தில் வெளியிட வேண்டும்.
ஏழைகளுக்கு சட்ட உதவி: உடற்கூறாய்வு மற்றும் பிற மருத்துவ அறிக்கைகளை மின்னணு முறையில் மருத்துவமனைகள் வழங்குவதை உறுதி செய்வதற்கு மாநில உள்துறை மற்றும் சுகாதாரத் துறை சாா்பில் கூட்டங்கள் நடத்தப்பட வேண்டும். ஏழைகளுக்கு சட்ட உதவி கிடைப்பதை உறுதி செய்ய வேண்டியது அரசின் பொறுப்பு என்றாா்.
