தள்ளாடிய சந்தையில் சென்செக்ஸ், நிஃப்டி சரிவுடன் நிறைவு

நமது நிருபா்

பங்குச்சந்தை 4-ஆவது நாளாக வியாழக்கிழமையும் எதிா்மறையாக முடிந்தது. இதைத் தொடா்ந்து, மும்பை பங்குச்சந்தைக் குறியீட்டு எண்ணான சென்செக்ஸ் மற்றும் தேசிய பங்குச்சந்தைக் குறியீட்டு எண்ணான நிஃப்டி ஆகிய இரண்டும் சரிவுடன் நிறைவடைந்தது.

உலகளாவிய சந்தைக் குறிப்புகள் கலவையாக இருந்தன. இதையடுத்து, உள்நாட்டுச் சந்தை எச்சரிக்கையுடன் தொடங்கி சற்று மேலே சென்றது. பின்னா், லாபத்தைப் பதிவு செய்வதில் முதலீட்டாளா்கள் மிகுந்த கவனம் செலுத்தினா். குறிப்பாக, ஆட்டோ, எஃப்எம்சிஜி, ரியால்ட்டி பங்குகள் விற்பனையை எதிா்கொண்டன. ஆனால், தனியாா் மற்றும் பொதுத் துறை வங்கிகள், நிதிநிறுவனங்கள், பாா்மா பங்குகளுக்கு ஓரளவு ஆதரவு இருந்தது. அந்நிய நிறுவன முதலீட்டாளா்கள் முதலீடுகளை வாபஸ் பெற்று வருவதும் சந்தையில் தாக்கத்தை ஏற்படுத்தி வருகிறது என்று பங்கு வா்த்தகத் தரகு நிறுவனங்கள் தெரிவித்தன.

சந்தை மதிப்பு: இதற்கிடையே, சந்தை மூலதன மதிப்பு ரூ.1.52 லட்சம் கோடி குறைந்து வா்த்தக முடிவில் ரூ.443.79 லட்சம் கோடியாக இருந்தது. அந்நிய நிறுவன முதலீட்டாளா்கள் புதன்கிழமை ரூ.5,684.63 கோடிக்கு பங்குகளை விற்றிருந்த நிலையில், உள்நாட்டு நிறுவனங்கள் ரூ.6,039.90 கோடிக்கு பங்குகளை வாங்கியிருந்தது சந்தை புள்ளிவிவரத் தகவல்கள் மூலம் தெரிய வந்தது.

சென்செக்ஸ் 4-ஆவது நாளாக சரிவு: சென்செக்ஸ் காலையில் 17.68 புள்ளிகள் கூடுதலுடன் 80,098.30-இல் தொடங்கி அதிகபட்சமாக 80,259.82 வரை மேலே சென்றது.பின்னா், 79,813.02 வரை கீழே சென்ற சென்செக்ஸ் , இறுதியில் 15.82 புள்ளிகள் (0.02 சதவீதம்) குறைந்து 80,065.16-இல் நிறைவடைந்தது. மும்பை பங்குச்சந்தையில் மொத்தம் வா்த்தகமான 4,033 பங்குகளில் 1,584 பங்குகள் ஆதாயப் பட்டியலிலும் 2,349 பங்குகள் வீழ்ச்சிப் பட்டியலிலும் இருந்தன. 100 பங்குகள் விலையில் மாற்றமின்றி நிலைபெற்றன.

19 பங்குகள் விலை உயா்வு: சென்செக்ஸ் பட்டியலில் அல்ட்ரா டெக் சிமெண்ட், எம் அண்ட் எண், டைட்டன், எஸ்பிஐ, அதானி போா்ட்ஸ், என்டிபிசி உள்பட 19 பங்குகள் ஆதாயப் பட்டியலில் இருந்தன. அதே சமயம், ஹிந்துஸ்தான் யுனி லீவா், நெஸ்லே, ஐடிசி, மாருதி, ஏசியன் பெயிண்ட், டிசிஎஸ் உள்பட 11 பங்குகள் விலை குறைந்த பட்டியலில் வந்தன.

நிஃப்டி 36 புள்ளிகள் வீழ்ச்சி: தேசிய பங்குச்சந்தையில் 50 முதல் தரப் பங்குகளை உள்ளடக்கிய நிஃப்டி22.80 புள்ளிகள் குறைந்து 24,412.70-இல் தொடங்கி அதிகபட்சமாக 24,480.65 வரை மேலே சென்றது. பின்னா், 24,341,20 வரை கீழே சென்ற நிஃப்டி, இறுதியில் 36.60 புள்ளிகள் (0.15 சதவீதம்) குறைந்து 24,399.40-இல் நிறைவடைந்தது. நிஃப்டி பட்டியலில் 26 பங்குகள் ஆதாயப் பட்டியலிலும், 24 பங்குகள் வீழ்ச்சிப் ட்டியலிலும் இருந்தன.