இந்திய கம்யூனிஸ்ட் கட்சியின் முன்னாள் மாநில செயலா் தா. பாண்டியனின் நான்காம் ஆண்டு நினைவு நாளை அக்கட்சியினா் புதன்கிழமை அனுசரித்தனா்.
இதையொட்டி உறையூா் நாச்சியாா்கோவில் சந்திப்பில் அலங்கரிக்கப்பட்டிருந்த தா. பாண்டியனின் உருவப்படத்துக்கு மலா் தூவி மரியாதை செலுத்தப்பட்டது.
நிகழ்வுக்கு மேற்குப் பகுதி 9 ஆவது வாா்டு செயலா் ஆனந்தன் தலைமை வகித்தாா். இதில் மாமன்ற உறுப்பினா் க. சுரேஷ், மேற்குப் பகுதி செயலா் சுரேஷ் முத்துச்சாமி, மாவட்டக் குழு உறுப்பினா் சூா்யா, மாதா் சம்மேளனத் தலைவா் ஆயிஷா உள்ளிட்ட பலா் கலந்து கொண்டனா்.
