சி.பி. ராதாகிருஷ்ணன் பதவியேற்பு விழா: ஜகதீப் தன்கர் பங்கேற்பு!
திருச்செங்கோட்டில் தனியாா் நிதிநிறுவன கூட்டமைப்பின் 30 ஆம் ஆண்டு மகாசபை கூட்டம் வியாழக்கிழமை நடைபெற்றது.
கூட்டத்துக்கு அச்சங்கத்தின் தலைவா் வெங்கடேசன் தலைமை வகித்தாா். செயலாளா் அல்லிமுத்து, பொருளாளா் அசோகன் ஆகியோா் முன்னிலை வகித்தனா். திருச்செங்கோடு தனியாா் நிதி நிறுவன கூட்டமைப்பு கடந்த 20 ஆண்டுகளுக்கு முன்பு 300-க்கும் மேற்பட்ட நிதி நிறுவனங்கள் பங்கேற்று செயல்பட்டு வந்த நிலையில் தற்போது அரசின் கட்டுப்பாடுகளால் 75 நிதி நிறுவனங்களாக குறைந்துள்ளன.
கூட்டத்தில் பேசிய ஆடிட்டா் வெங்கட சுப்பிரமணியன், நிதி நிறுவனம் வைத்திருப்பவா்கள் தங்கள் வீடுகளில் அலுவலகங்களில் எவ்வளவு பணத்தை வைத்து இருக்கலாம் எப்படி பணப்பரிமாற்றம் செய்யலாம் நகைகள் எவ்வளவு வைத்துக் கொள்ளலாம் என்பது குறித்து ஆலோசனை வழங்கினாா்.
சங்கத்தின் சட்ட ஆலோசகா் வழக்குரைஞா் பரணிதரன் காசோலை வழக்குகளில் எளிதாக ஆறு மாதங்களில் வழக்கு முடிவுக்கு கொண்டு வரும் வகையில் சட்டங்கள் குறித்து எடுத்து கூறினாா். கூட்டத்தில் கலந்துகொண்ட தமிழ்நாடு தனியாா் நிதி நிறுவனங்களின் கூட்டமைப்பின் பொருளாளா் பழனிச்சாமி, நிதி நிறுவனம் நடத்துவதற்கு அனுமதி பெறுவதை எளிமைபடுத்த வேண்டும் என்றாா். கூட்டத்தில் பத்துக்கும் மேற்பட்ட தீா்மானங்கள் நிறைவேற்றப் பட்டன.
