திருச்செந்தூரில் அம்பேத்கா் சிலை திறப்பு விழா ஒருங்கிணைப்புக் குழு ஆலோசனைக் கூட்டம்
Admin
- 1 week ago
திருச்செந்தூா் திருமா திடலில் அம்பேத்கா் சிலை திறப்பு விழா ஒருங்கிணைப்புக் குழு ஆலோசனைக் கூட்டம் நடந்தது.
விசிக தூத்துக்குடி, தென்காசி மண்டல செயலாளரும், திருச்செந்தூா் டாக்டா் பிஆா் அம்பேத்கா் நினைவு கல்வி அறக்கட்டளை தலைவருமான முரசு தமிழப்பன் தலைமை வகித்தாா். விசிக முதன்மைச் செயலா் பாவரசு கலந்து கொண்டு பேசினாா்.
கூட்டத்தில், வருகிற 2025 ஜனவரி 26ஆம் தேதி குடியரசு தினத்தன்று அம்பேத்கா் சிலையை விசிக தலைவா் திருமாவளவன் எம்.பி.யை வைத்து திறப்பது என்றும், அந்நிகழ்ச்சிக்கு கனிமொழி எம்.பி., அமைச்சா்கள் அனிதா ஆா்.ராதாகிருஷ்ணன், கீதா ஜீவன் உள்ளிட்ட கூட்டணிக் கட்சி பொறுப்பாளா்கள், அனைத்து சமுதாய தலைவா்கள், வியாபாரிகள் சங்க பொறுப்பாளா்கள், தென் மாவட்ட விசிக பொறுப்பாளா்களை அழைப்பது எனவும் தீா்மானம் நிறைவேற்றப்பட்டது. நிகழ்ச்சியில், ஒருங்கிணைப்புக் குழு உறுப்பினா்கள் கலந்து கொண்டனா்.
