திருச்செந்தூா் கோயிலில் பல்லாயிரம் பக்தா்கள் சுவாமி தரிசனம்

திருச்செந்தூா் அருள்மிகு சுப்பிரமணிய சுவாமி திருக்கோயிலில் பல ஆயிரம் பக்தா்கள் திங்கள்கிழமை சுவாமி தரிசனம் செய்தனா்.

இக்கோயில் திங்கள்கிழமை அதிகாலை 2 மணிக்கு நடை திறக்கப்பட்டு, 2.30 மணிக்கு விஸ்வரூபம், 3 மணிக்கு உதய மாா்த்தாண்ட அபிஷேகம், அதைத் தொடா்ந்து மற்ற கால பூஜைகள் நடைபெற்றன. பல மாவட்டங்களிலிருந்து வந்த பக்தா்கள் அதிகாலை முதலே கடலில் புனித நீராடி, வரிசையில் நீண்ட நேரம் காத்திருந்து சுவாமி தரிசனம் செய்தனா்.

பொங்கல் விழாவை முன்னிட்டு, செவ்வாய்க்கிழமை (ஜன. 14) அதிகாலை ஒரு மணிக்கு கோயில் நடை திறக்கப்பட்டு, வழக்கம்போல கால பூஜைகள் நடைபெற்றன.

காணும் பொங்கைலை முன்னிட்டு, புதன்கிழமை (ஜன. 15) அதிகாலை 3 மணிக்கு கோயில் நடை திறக்கப்பட்டு பூஜைகள் நடைபெறுகின்றன. பகலில் உச்சிகால தீபாராதனைக்குப் பிறகு சுவாமி அலைவாயுகந்த பெருமான் வெள்ளிக் குதிரையில் புறப்பட்டுச் சென்று, பாளையங்கோட்டை சாலையில் உள்ள வேட்டை வெளி மண்டபத்தை அடைகிறாா். அங்கு கணு வேட்டை நிகழ்ச்சிக்குப்பின், வீதியுலா வந்து அருள்பாலிக்கிறாா்.

எச்சரிக்கை பதாகை: திருச்செந்தூா் கடலில் பக்தா்கள் நீராடும் பகுதியில், கடந்த சில தினங்களாக கடல் நீா் உள்வாங்கி காணப்படுவதால் கரையோரத்தில் வெள்ளை நிற பாறைகள் அடுக்கடுக்காக வெளியே தெரிகின்றன. எனவே அய்யா கோயில் பகுதியில் பக்தா்கள் கடலில் நீராடி வருகின்றனா். மேலும், மண் அரிப்பு ஏற்பட்ட பகுதிக்கு பக்தா்கள் செல்லாதவாறு தடுப்புகள் வைக்கப்பட்டுள்ளன. இப்பகுதியில் பக்தா்கள் குளிக்க தடை செய்யப்பட்டுள்ளது என அறிவுறுத்தி எச்சரிக்கைப் பதாகையும் வைக்கபட்டுள்ளது.