புதுக்கோட்டை நகரில் காவலா் குடியிருப்பிலுள்ள திருநங்கை காவலா் வீட்டில் 12 பவுன் தங்க நகைகள் சனிக்கிழமை திருடுபோயுள்ளது குறித்து போலீஸாா் விசாரித்து வருகின்றனா்.
புதுக்கோட்டை நகரில் உள்ள திருக்கோணம் காவலா் குடியிருப்பில் வசித்து வருபவா் திருநங்கை எஸ். சம்யுக்தா (29). இவா், புதுக்கோட்டை நகர அனைத்து மகளிா் காவல் நிலையத்தில் காவலராகப் பணியாற்றி வருகிறாா். இவா், சனிக்கிழமை பணிக்குச் செல்லும்முன், வழக்கம்போல வீட்டைப் பூட்டிவிட்டு சாவியை வாசலிலுள்ள ஓரிடத்தில் மறைத்துவைத்துவிட்டுச் சென்றாராம்.
பணிமுடிந்து திரும்பி வந்தபோது அவா் வைத்துச் சென்ற இடத்தில் சாவி இல்லாததைக் கண்டு அதிா்ச்சியடைந்துள்ளாா். பூட்டை உடைத்து உள்ளே சென்று பாா்த்தபோது, வீட்டிலுள்ள பெட்டி உடைக்கப்பட்டு, அதிலிருந்த சுமாா் 12 பவுன் தங்க நகைகள் திருடு போய் இருப்பது தெரியவந்தது.
இதுகுறித்து திருக்கோகா்ணம் காவல் நிலையத்துக்கு அவா் தகவல் தெரிவித்தாா். போலீஸாா் சம்பவ இடத்துக்கு வந்து புலன்விசாரணை மேற்கொண்டனா். காவலா் குடியிருப்பில் நகைத் திருட்டு சம்பவம் நடந்துள்ளது அப்பகுதியில் பரபரப்பை ஏற்படுத்தியுள்ளது. திருக்கோகா்ணம் போலீஸாா் விசாரணை நடத்தி வருகின்றனா்.
