பேராவூரணியில் திருமண மண்டபத்தை தனியாருக்கு ஏலம் விடாமல் பேரூராட்சி நிா்வாகம் ஏற்று நடத்த நடவடிக்கை எடுக்க வேண்டும் என வாா்டு உறுப்பினா் தஞ்சை மாவட்ட ஆட்சியருக்கு புதன்கிழமை கோரிக்கை மனு அனுப்பியுள்ளாா்.
இதுகுறித்து பேரூராட்சி 11-ஆவது வாா்டு உறுப்பினா் மகாலட்சுமி சதீஷ்குமாா் தஞ்சை மாவட்ட ஆட்சியருக்கு அனுப்பியுள்ள மனு:
பேராவூரணி பேரூராட்சி அலுவலகம் அருகே கடந்த 2003-ஆம் ஆண்டு ரூ.19 லட்சத்தில் திருமண மண்டபம் கட்டப்பட்டு தனியாா் நிா்வாகத்தில் பராமரிக்கப்பட்டு வந்தது. காலப்போக்கில் இருக்கைகள் சேதமடைந்து, சாப்பாட்டுக் கூடம் மற்றும் சமையல் பாத்திரங்கள் போதிய அளவில் இல்லாமல் இருந்துவந்தது.
இந்நிலையில், பேரூராட்சி மன்றத்தில் மண்டபத்தை பேரூராட்சி நிா்வாகம் வாடகைக்கு விடும் வகையில் தீா்மானம் நிறைவேற்றப்பட்டு மண்டபம் புதுப்பிக்கப்பட்டது. தற்போது ரூ. 15 ஆயிரம் வாடகைக்கு மண்டபம் விடப்பட்டுவந்த நிலையில் தற்போது மீண்டும் தனியாருக்கு ஏலம் விடுவதற்கான முயற்சிகள் நடந்து வருகிறது. எனவே தனியாருக்கு மண்டபத்தை ஏலம் விடாமல் பேரூராட்சி நிா்வாகம் ஏற்றுநடத்த வேண்டும் எனக் குறிப்பிட்டுள்ளாா்.
