பரந்தூர், என்எல்சி, இருமொழிக் கொள்கை... தவெகவின் 20 தீர்மானங்கள் என்னென்ன?
திருவாரூரில் சட்டக் கல்லூரி தொடங்க வேண்டும் என இந்திய கம்யூனிஸ்ட் கட்சி கோரிக்கை விடுத்துள்ளது.
திருவாரூா் அருகே மணக்காலில், இந்திய கம்யூனிஸ்ட் கட்சியின் கொரடாச்சேரி ஒன்றிய 21-ஆவது மாநாடு புதன்கிழமை நடைபெற்றது. தலைமைக் குழு நிா்வாகிகள் யு. பன்னீா்செல்வம், வி. கௌரி, எம். நடராஜன் ஆகியோா் தலைமை வகித்தனா்.
முன்னாள் சட்டப் பேரவை உறுப்பினா் பி. பத்மாவதி கொடி ஏற்றினாா். மாநில நிா்வாகக் குழு உறுப்பினா் பி.எஸ். மாசிலாமணி, மாநாட்டை தொடக்கி வைத்துப் பேசினாா்.
மக்களவை உறுப்பினா் வை. செல்வராஜ் சிறப்பு அழைப்பாளராகப் பங்கேற்றுப் பேசினாா். இதில், இந்திய கம்யூனிஸ்ட் கட்சியின் மாவட்டச் செயலாளா் (பொறுப்பு) எஸ். கேசவராஜ், மாநிலக் குழு உறுப்பினா் ஆா். சந்திரசேகரஆசாத், மாவட்ட பொருளாளா் கா. தவபாண்டியன், மாவட்ட நிா்வாகக் குழு உறுப்பினா்கள் பி. முருகேஷ், கே.ஆா். ஜோசப் உள்ளிட்ட பலா் பங்கேற்றனா்.
தீா்மானங்கள்: திருவாரூரில் வேளாண் கல்லூரி தொடங்க வேண்டும். கொரடாச்சேரி அரசினா் பெண்கள் மேல்நிலைப் பள்ளி மாணவிகளுக்கு தங்கும் விடுதி அமைக்க வேண்டும். 100 நாள் வேலை உறுதியளிப்புத் திட்டத்தை பேரூராட்சி, நகராட்சி பகுதிகளுக்கு விரிவுபடுத்த வேண்டும். பெருமாளகரம் ஊராட்சியில் உள்ள சிமிழி வருவாய் கிராமத்தை தனி ஊராட்சியாக அறிவிக்க வேண்டும்.
கொரடாச்சேரி காமராஜா் சாலையில் பொதுமக்களுக்கு இடையூறாக உள்ள இரண்டு டாஸ்மாக் கடைகளை அகற்ற வேண்டும். திருவாரூரில் சட்டக் கல்லூரி தொடங்க வேண்டும் என்பன உள்ளிட்ட பல்வேறு தீா்மானங்கள் இம்மாநாட்டில் நிறைவேற்றப்பட்டன.
தொடா்ந்து, புதிய நிா்வாகிகள் தோ்ந்தெடுக்கப்பட்டனா். அதன்படி, கொரடாச்சேரி ஒன்றியச் செயலாளராக சி. சிவானந்தம், துணைச் செயலாளராக என். ஆறுமுகம், பொருளாளராக எஸ். முரளிகிருஷ்ணன் ஆகியோா் தோ்வு செய்யப்பட்டனா்.
