தற்போதைய காலத்துக்கு ஏற்ப, உகந்த வயதினருக்கு திரைப்படங்களைப் பரிந்துரைக்க புதிய சான்றளிப்பு முறை அறிமுகப்படுத்தப்பட்டுள்ளது.
மத்திய திரைப்பட சான்றளிப்பு வாரியம் இதுவரை திரைப்படங்களுக்கு யு, ஏ, மற்றும்“யுஏ”ஆகிய பிரிவுகளில் சான்றளித்து வந்தது. மாறிவரும் திரைப்பட உள்ளடக்கங்களை கருத்தில் கொண்டு, தற்போது திரைப்படங்கள் யு, ஏ, யுஏ7+, யுஏ13+, யுஏ16+”ஆகிய பிரிவுகளில் வகைப்படுத்தப்படுகின்றன. இதில் ‘யு’ வகை திரைப்படங்கள் அனைத்து வயதினரும் காண உகந்தவையாகும். “‘ஏ’”வகையில் அனுமதிக்கப்படும் படங்கள் 18 வயதுக்கு மேற்பட்டோா் பாா்க்க அனுமதிக்கப்பட்டவை.
திரைப்படங்களில் குழந்தைகளுக்கு ஒவ்வாத வன்முறை/ பயமுறுத்தும் காட்சியமைப்புகள், நெருக்கமான அல்லது கிளா்ச்சியூட்டும் காட்சிகள், அடிமைப்படுத்தும் பழக்கங்கள், விபரீதமான நடத்தைகள் போன்ற அம்சங்கள், இக்காட்சிகள் பாா்வையாளா்கள் மீது ஏற்படுத்தும் தாக்கம் போன்றவற்றை கருத்தில் கொண்டு, 7, 13, 16 வயதுக்கு மேற்பட்ட குழந்தைகள் காணும் வகையில் யுஏ7+, “யுஏ 13+, யுஏ 16+”என வகைப்படுத்தப்பட்டுள்ளது.
குழந்தைகளின் வயதை கருத்தில் கொண்டு, ஒரு திரைப்படத்தை பாா்க்க அனுமதிப்பதா, வேண்டாமா என்பதை முடிவு செய்யும் முன் அத்திரைப்படத்தைப் பற்றிய விவரத்தை பெற்றோா்கள் அறிந்து கொள்ள வேண்டும். எந்தவொரு திரைப்படத்தின் சான்றிதழ் (வயது மதிப்பீடு) விவரங்களை அறிய, பெற்றோா் ஸ்ரீக்ஷச்ஸ்ரீண்ய்க்ண்ஹ.ஞ்ா்ஸ்.ண்ய் என்ற இணையதளத்தைப் பாா்வையிட அறிவுறுத்தப்பட்டுள்ளது.
