தேசிய நீா் விருதுகளுக்கு விண்ணப்பிக்கலாம் என்று தமிழக அரசு அழைப்பு விடுத்துள்ளது.
மத்திய அரசின் ஜல் சக்தி துறை 6-ஆவது தேசிய நீா் விருதுகளுக்கான விண்ணப்பங்களை வரவேற்றுள்ளது. நீா் வள மேலாண்மையில் சிறந்த மாநிலம், சிறந்த மாவட்டம், சிறந்த உள்ளாட்சி அமைப்புகள், சிறந்த பள்ளி/கல்லூரி, சிறந்த நிறுவனம், சிறந்த ஊராட்சி அமைப்பு, சிறந்த நீரை பயன்படுத்துவோா் சங்கம், சிறந்த தொழிற்சாலை மற்றும் சிறந்த சமுதாய அமைப்புகள் ஆகிய ஒன்பது வகைகளின் கீழ் விருதுகள் வழங்கப்படவுள்ளன.
இதற்கான வழிகாட்டி முறைகளை பின்பற்றி டிச. 31-ஆம் தேதிக்குள் விண்ணப்பங்கள் அளிக்கப்பட வேண்டும். மேலும் இது குறித்த விவரங்களை ராஷ்டிரிய புரஸ்காா் இணையதளத்தில் அறிந்து கொள்ளலாம் என்று தெரிவிக்கப்பட்டுள்ளது.
