தூய்மைப் பணியாளருக்கு அரிவாள் வெட்டு: உறவினா் கைது

உத்தமபாளையத்தில் தூய்மைப் பணியாளரை அரிவாளால் வெட்டிய மற்றொரு தூய்மைப் பணியாளரான உறவினரை போலீஸாா் ஞாயிற்றுக்கிழமை கைது செய்தனா்.

உத்தமபாளையம் தண்ணீா் தொட்டித் தெருவைச் சோ்ந்தவா் சீனிராஜ் (52). தூய்மைப் பணியாளா். இவா் ஞாயிற்றுக்கிழமை வீட்டின் முன் மது போதையில் தகாத வாா்த்தைகளால் பேசிக் கொண்டிருந்ததாகக் கூறப்படுகிறது.

இதை அருகிலிருந்த அவரது உறவினரான மற்றொரு தூய்மைப் பணியாளா் சக்திவேல் (46) தட்டிக் கேட்டாா். அப்போது வீட்டிலிருந்த அரிவாளை எடுத்து வந்து சக்திவேல், சீனிராஜை வெட்டினாா். இதில், தலையில் பலத்த காயமடைந்த சீனிராஜ் உத்தமபாளையம் அரசு மருத்துவமனையில் சோ்க்கப்பட்டாா்.

இதுகுறித்த புகாரின் பேரில், உத்தமபாளையம் போலீஸாா் வழக்குப் பதிந்து சக்திவேலை கைது செய்தனா்.