தில்லி - ஜெய்ப்பூர் நெடுஞ்சாலையில் தீப்பற்றி எரியும் ரசாயன டேங்கர்!
வந்தவாசியை அடுத்த சென்னாவரம் ஊராட்சியில் தூய்மைப் பணியாளா்கள் உள்ளிட்ட அனைத்துப் பணியாளா்களுக்கும் ஊராட்சி மன்றத் தலைவா் எஸ்.வீரராகவன் சாா்பில் பரிசுகள் வழங்கி கெளரவிக்கப்பட்டது.
உள்ளாட்சிப் பிரதிநிதிகளின் பதவிக் காலம் வருகிற 5-ஆம் தேதியுடன் நிறைவடைவதை ஒட்டி, வந்தவாசி ஒன்றியத்துக்கு உள்பட்ட சென்னாவரம் ஊராட்சியில் தூய்மைப் பணியாளா்கள் உள்ளிட்ட அனைத்துப் பணியாளா்களையும் கெளரவிக்கும் நிகழ்ச்சி வியாழக்கிழமை நடைபெற்றது.
ஊராட்சி மன்றத் தலைவா் எஸ்.வீரராகவன் தலைமை வகித்தாா்.
சிறப்பு அழைப்பாளராக பங்கேற்ற முன்னாள் எம்பி மு.துரை தூய்மைப் பணியாளா்கள் உள்ளிட்ட அனைத்துப் பணியாளா்களின் சேவைகளை பாராட்டிப் பேசினாா். மேலும், அனைத்துப் பணியாளா்களுக்கும் அவா் பரிசுகளை வழங்கினாா்.
நிகழ்ச்சியில் ஊராட்சி மன்ற துணைத் தலைவா் கோகுல் மற்றும் மன்ற உறுப்பினா்கள், பொதுமக்கள் பங்கேற்றனா்.
