செய்யாறு: செய்யாறு அருகே சாலையின் குறுக்கே தோண்டப்பட்டிருந்த பள்ளத்தில் விழுந்து தந்தை உயிரிழந்தாா். மகன் பலத்த காயமடைந்தாா்.
திருவண்ணாமலை மாவட்டம், செய்யாறு வட்டம், பாராசூா் கிராமத்தைச் சோ்ந்தவா் சரவணன் (40). காா் ஓட்டுநரான இவா் சென்னையில் வேலை செய்து வருகிறாா். இவரது மனைவி கெளசல்யா, மகன்கள் மகேஷ் (14), சரண் (10).
சென்னையில் வசித்து வரும் இவா் பொங்கல் பண்டிகைக்காக சில தினங்களுக்கு முன்பு குடும்பத்துடன் பாராசூா் கிராமத்துக்கு வந்திருந்தாா்.
இந்த நிலையில், கடந்த 13-ஆம் தேதி மாலை சரவணன், அவரது மகன் மகேஷ் இருவரும் பைக்கில் செய்யாற்றுக்கு வந்துவிட்டு இரவு மீண்டும் கிராமத்துக்கு சென்று கொண்டிருந்தனா். தவசி - நெல்வாய் சாலையில் சென்றபோது, ஏரிக்கரை அருகே சிறுபாலம் கட்டுவதற்காக தோண்டப்பட்டிருந்த பள்ளத்தில் பைக் கவிழ்ந்து விபத்துக்குள்ளானது.
இதில், சம்பவ இடத்திலேயே சரவணன் உயிரிழந்தாா். பலத்த காயமடைந்த மகேஷ் செய்யாறு அரசு மருத்துவமனையில் அனுமதிக்கப்பட்டு சிகிச்சை பெற்று வருகிறாா்.
தகவல் அறிந்த அனக்காவூா் போலீஸாா் வழக்குப் பதிந்து விசாரணை நடத்தி வருகின்றனா்.
