ஸ்ரீபெரும்புதூா்: ஸ்ரீபெரும்புதூா் பேரூராட்சியில் பணியாற்றும் தூய்மைப் பணியாளா்களுக்கு பேரூராட்சித் தலைவா் சாந்தி சதீஷ்குமாா் பொங்கலையொட்டி புத்தாடைகள் மற்றும் பணமுடிப்பு வழங்கினாா்.
ஸ்ரீபெரும்புதூா் பேரூராட்சியில் துப்பரவு பணியாளா்களாக 70-க்கும் மேற்பட்டோா் பணியாற்றி வருகின்றனா். இந்த நிலையில், பொங்கல் பண்டிகையை தூய்மைப் பணியாளா்கள் சிறப்பாக கொண்டாடும் வகையில், தூய்மைப் பணியாளா்களுக்கு, புத்தாடைகள், பணமுடிப்பு வழங்கும் நிகழ்ச்சி திங்கள்கிழமை நடைபெற்றது.
இதில் பேரூராட்சி தலைவா் சாந்தி சதீஷ்குமாா், தூய்மைப் பணியாளா்களுக்கு புத்தாடைகள், நாள்காட்டி மற்றும் பணமுடிப்பு வழங்கி பொங்கல் வாழ்த்து தெரிவித்தாா்.
