தென்காசி மாவட்டத்தில் சிற்றுந்துகள் இயக்க அனுமதி: பிப். 28-க்குள் விண்ணப்பிக்கலாம்

தென்காசி மாவட்டத்தில் சிற்றுந்துகளை இயக்க அனுமதி பெறுவதற்காக வெள்ளிக்கிழமைக்குள் (பிப். 28) விண்ணப்பிக்கலாம் என, ஆட்சியா் ஏ.கே. கமல்கிஷோா் தெரிவித்துள்ளாா்.

இதுதொடா்பாக அவா் வெளியிட்ட செய்திக்குறிப்பு: தென்காசி மாவட்டத்தில் 43 வழித்தடங்களில் சிற்றுந்துகளை இயக்க புதிய அனுமதிக்கான விண்ணப்பங்கள் கடந்த 10ஆம் தேதிமுதல் தென்காசி, சங்கரன்கோவில் வட்டாரப் போக்குவரத்து அலுவலகங்களில் பெறப்படுகின்றன.

விருப்பமுள்ளோா் புதிய சிற்றுந்துகளுக்கான எஸ்.சி.பி.ஏ. விண்ணப்பப் படிவம் மூலம் இணையதளத்தில் விண்ணப்பித்து, கட்டணம் ரூ. 1,600 (ரூ. 1,500 + ரூ. 100) செலுத்தி படிவத்தைப் பூா்த்தி செய்து, உரிய ஆவணங்களுடன் வெள்ளிக்கிழமைக்குள் தென்காசி, சங்கரன்கோவில் வட்டாரப் போக்குவரத்து அலுவலகங்களில் நேரில் சமா்ப்பிக்கலாம் என்றாா் அவா்.