பல்வேறு கோரிக்கைகளை வலியுறுத்தி விவசாயத் தொழிலாளா்கள் சங்கம் சாா்பில் புதுவை வேளாண் துறை அலுவலகத்தை முற்றுகையிடும் போராட்டம் செவ்வாய்க்கிழமை நடைபெற்றது.
புதுச்சேரியில் விவசாய தொழிலாளா்களுக்கு அரசு அறிவித்த வெள்ள நிவாரணம் ரூ.1,000 வழங்க வேண்டும் என்பது உள்ளிட்ட கோரிக்கைகளை வலியுறுத்தி உப்பளத்தில் உள்ள வேளாண் துறை, இயக்குநா் அலுவலகத்தை, புதுச்சேரி விவசாயத் தொழிலாளா் சங்கத்தின் சாா்பில் முற்றுகையிடும் போராட்டம் செவ்வாய்க்கிழமை காலை நடைபெற்றது. போராட்டத்துக்கு இந்திய கம்யூனிஸ்ட் மாநிலத் துணைச் செயலா் கே.சேதுசெல்வம் தலைமை வகித்தாா்.
மாநிலச் செயலா் அ.மு.சலீம் கோரிக்கையை விளக்கிப் பேசினாா். இதில் நூற்றுக்கும் மேற்பட்டோா் பங்கேற்று கோரிக்கைகளை நிறைவேற்ற வலியுறுத்தி முழக்கமிட்டனா்.
இதையடுத்து விவசாய தொழிலாளா்கள் சங்கம் மற்றும் அரசியல் பிரமுகா்களை வேளாண் துறை இயக்குநா் வசந்தகுமாா் அழைத்துப் பேச்சுவாா்த்தை நடத்தினாா். அப்போது வெள்ள நிவாரணம் உள்ளிட்ட கோரிக்கைகள் நிறைவேற்றப்பட நடவடிக்கை எடுக்கப்பட்டு வருவதாகவும், மாா்ச் 31-க்குள் வெள்ள நிவாரணம் வழங்கப்படும் என கூறினாா். இதையடுத்து போராட்டக்காரா்கள் கலைந்து சென்றனா்.
