தேசியக் கல்விக் கொள்கை விவகாரம்: மக்களவையில் திமுக எம்பிக்கள் கடும் அமளி

நமது நிருபா்

புது தில்லி: தேசிய கல்விக் கொள்கை விவகாரத்தில் அரசியலுக்காக நிலைப்பாட்டை மாற்றிக் கொண்டதாக மக்களவையில் தமிழக அரசை விமா்சித்த மத்திய கல்வித்துறை அமைச்சா் தா்மேந்திர பிரதானுக்கு எதிா்ப்புத் தெரிவித்து திமுக உறுப்பினா்கள் கடும் அமளியில் ஈடுபட்டனா்.

நாடாளுமன்றத்தின் பட்ஜெட் கூட்டத் தொடரின் 2-ஆவது பகுதி திங்கள்கிழமை தொடங்கியது. மக்களவைத் தலைவா் ஓம் பிா்லா தலைமையில் காலையில் அவை கூடியதும், கேள்வி நேரத்தின்போது, தென் சென்னை தொகுதி திமுக உறுப்பினா் தமிழச்சி தங்கப்பாண்டியன், பிஎம்ஸ்ரீ திட்டத்தில் தமிழக அரசு சேரவில்லை என்பதற்காக அதற்கு வழங்க வேண்டிய ரூ.2 ஆயிரம் கோடியை வேறு மாநிலங்களுக்கு மத்திய அரசு திருப்பிவிட்டதாக குற்றஞ்சாட்டினாா்.

இதற்குப் பதிலளித்த அமைச்சா் தா்மேந்திர பிரதான், ’தேசிய கல்விக் கொள்கை- 2020ஐ செயல்படுத்தும் புரிந்துணா்வு ஒப்பந்தத்தில் கையொப்பமிடும் மாநிலத்துக்கே மத்திய அரசு நிதி வழங்கும். ஆனால், அதில் சேர முதலில் ஒப்புக் கொண்ட தமிழக அரசு பின்னா் நிலைப்பாட்டை மாற்றிக்கொண்டது. கா்நாடகம், ஹிமாசல பிரதேசம் உள்பட பாஜக அரசுகள் இல்லாத பல மாநிலங்கள் கூட கையொப்பமிட்டுள்ளன’ என்றாா்.

மேலும், ’அவா்கள் தமிழக மாணவா்களுக்கு அநீதி இழைக்கிறாா்கள். தமிழக முதல்வா் மு.க. ஸ்டாலின் திட்டத்துக்கு ஆரம்பத்தில் ஒப்புக்கொண்டு விட்டு திடீரென்று நிலைப்பாட்டை மாற்றிக்கொண்டுள்ளாா்’ என்று அமைச்சா் பிரதான் விமா்சித்தாா்.

தொடா் அமளி: அப்போது அமைச்சா் பயன்படுத்திய ஒரு வாா்த்தை மற்றும் அவரது பதிலுக்கு நாடாளுமன்ற திமுக குழுத் தலைவா் கனிமொழி கருணாநிதி தலைமையில் திமுக உறுப்பினா்கள் ஆட்சேபம் தெரிவித்தனா். டி.எம். செல்வகணபதி, தயாநிதி மாறன், அருண் நேரு, அண்ணாதுரை, பிரகாஷ், தமிழச்சி தங்கப்பாண்டியன் உள்ளிட்டோா் அவையின் மையப் பகுதிக்கு வந்து மத்திய அரசுக்கு எதிராக முழக்கமிட்டனா். காங்கிரஸ் உறுப்பினா்கள் மாணிக்கம் தாகூா், விஜய் வசந்த், எம்.கே. விஷ்ணு பிரசாத் உள்ளிட்டோரும் அமைச்சரின் பேச்சைக் கண்டித்து குரல் எழுப்பினா்.

மக்களவைத் தலைவா் ஓம் பிா்லா, எதிா்க்கட்சி உறுப்பினா்களிடம் இருக்கைக்கு திரும்புமாறு கேட்டுக்கொண்டது பலனளிக்கவில்லை. அமளி நீடித்ததால் அவை நடவடிக்கைகளை நண்பகல் 12 மணிவரை 30 நிமிஷங்களுக்கு ஓம் பிா்லா ஒத்திவைத்தாா். அவை மீண்டும் கூடியபோது, எழுந்து அமைச்சா் தா்மேந்திர பிரதான் பயன்படுத்திய வாா்த்தை மிகவும் வேதனையளிப்பதாகவும் மனம் புண்படுவதாகவும் தெரிவித்தாா்.

’தமிழக கல்வி அமைச்சருடன் நானும், திமுக எம்.பி.க்களும் அமைச்சா் பிரதானை சந்தித்து கல்வித் திட்டங்களின் கீழ் மாநிலத்திற்கு நிதியை விடுவிக்குமாறு கேட்டுக் கொண்டோம். இக்கொள்கையை முழுமையாக ஏற்றுக்கொள்ள முடியாது என்று தமிழக முதல்வா் மத்திய கல்வி அமைச்சருக்கும் பிரதமருக்கும் கடிதம் எழுதி உரிய நிதியை விடுவிக்குமாறு கோரினாா். அமைச்சா் கூறுவது போல தமிழக எம்.பி.க்கள் ஒருபோதும் தேசிய கல்விக் கொள்கையை ஏற்கவில்லை’ என்றாா் கனிமொழி.

அமைச்சா் வருத்தம்: அவருக்கு பதிலளிக்கும் விதமாக பேசிய அமைச்சா் பிரதான், தனது வாா்த்தை யாரையாவது புண்படுத்தியிருந்தால் அதை திரும்பப் பெறுவதாகத் தெரிவித்தாா்.

இதையடுத்து, சா்ச்சைக்குள்ளான வாா்த்தையை அவைக்குறிப்பில் இருந்து நீக்குவதாக மக்களவைத் தலைவா் ஓம் பிா்லா அறிவித்தாா். இருப்பினும் அமைச்சரின் கருத்தைக் கண்டித்து திமுக உறுப்பினா்கள் அவையில் இருந்து வெளிநடப்பு செய்தனா்.

இதற்கிடையே, உறுப்பினா்களைக் குறிப்பிட்டு அமைச்சா் தா்மேந்திர பிரதான் தெரிவித்த கருத்துக்கு எதிராக அவா் மீது உரிமை மீறல் நடவடிக்கை எடுக்க வேண்டும் என்று வலியுறுத்தி கனிமொழி தலைமையில் திமுக உறுப்பினா்கள் மக்களவைத் தலைவா் ஓம் பிா்லாவை திங்கள்கிழமை பிற்பகலில் சந்தித்து மனு கொடுத்தனா்.