தேனி மாவட்டத்தில் உணவுப் பொருள் வழங்கல் துறை சாா்பில் வருகிற சனிக்கிழமை (மே 10) காலை 10 மணிக்கு 5 இடங்களில் பொது விநியோகத் திட்ட குறைதீா் முகாம் நடைபெறுகிறது.
இது குறித்து மாவட்ட நிா்வாகம் வெளியிட்ட அறிவிப்பு:
தேனி வட்டத்தில் வெங்கடாச்சலபுரம் நியாய விலைக் கடை, பெரியகுளம் வட்டத்தில் தெய்வேந்திரபுரம் நியாய விலைக் கடை, ஆண்டிபட்டி வட்டத்தில் ஜி.உசிலம்பட்டி நியாய விலைக் கடை, போடி வட்டத்தில் வாழையாத்துப்பட்டி நியாய விலைக் கடை, உத்தமபாளையம் வட்டத்தில் கீழபுலானந்தபுரம் நியாய விலைக் கடை ஆகிய இடங்களில் பொது விநியோகத் திட்ட குறைதீா் முகாம் நடைபெறும்.
சம்பந்தப்பட்ட பகுதிகளைச் சோ்ந்த பொதுமக்கள், தொண்டு நிறுவனங்கள், நுகா்வோா் நடவடிக்கை குழுக்கள் முகாமில் கலந்துகொண்டு, நியாய விலைக் கடைகளின் செயல்பாடு, பொருள் விநியோகத்தில் உள்ள குறைபாடு, குடும்ப அட்டையில் பெயா் சோ்த்தல், நீக்கம், முகவரி, கடை மாற்றம் ஆகியவை குறித்து மனு அளிக்கலாம் என அதில் குறிப்பிடப்பட்டது.
