தோ்தல் ஆணையத்தின் நோ்மையை அழிக்க மோடி அரசு சதி: காா்கே சாடல்

தோ்தல் தொடா்பான மின்னணு ஆவணங்களை பொதுமக்களுக்கு வழங்க கட்டுப்பாடு விதிக்கும் வகையில், விதிமுறை திருத்தத்தை மேற்கொண்டு பிரதமா் மோடி அரசு சதி செய்துள்ளதாக காங்கிரஸ் தலைவா் மல்லிகாா்ஜுன காா்கே விமா்சித்துள்ளாா்.

தோ்தல் ஆணையத்தின் நோ்மையை அழிக்கும் மோடி அரசின் சதித் திட்டத்தின் ஒரு பகுதியே இந்த நடவடிக்கை என்று அவா் குறிப்பிட்டாா்.

தோ்தல் தொடா்பான மின்னணு ஆவணங்களான சிசிடிவி கேமரா காட்சிகள், வாக்குச் சாவடிகளின் நேரலை பதிவுகள், வேட்பாளா்களின் விடியோ பதிவுகள் உள்ளிட்டவற்றை பொதுமக்களுக்கு வழங்க கட்டுப்பாடு விதிக்கும் வகையில், கடந்த 1961-ஆம் ஆண்டின் தோ்தல் நடத்தை விதிமுறைகள் 93 (2) (ஏ) பிரிவில் மத்திய சட்ட அமைச்சகம் திருத்தம் மேற்கொண்டது.

தோ்தல் தொடா்பான மின்னணு ஆவணங்கள் தவறாக பயன்படுத்தப்படுவதை தடுப்பதற்காக தோ்தல் ஆணைய பரிந்துரையின்பேரில் இந்த நடவடிக்கை மேற்கொள்ளப்பட்டது. திருத்தப்பட்ட விதிமுறையின்படி, நீதிமன்ற அனுமதியின் வாயிலாகவே மின்னணு ஆவணங்களை பொதுமக்கள் பாா்வையிட முடியும். அதேநேரம், பிற ஆவணங்களை பொதுமக்கள் பெற எந்த கட்டுப்பாடும் கிடையாது.

இந்நிலையில், மத்திய அரசின் இந்த நடவடிக்கையை விமா்சித்து, காங்கிரஸ் தலைவா் மல்லிகாா்ஜுன காா்கே வெளியிட்ட எக்ஸ் பதிவில் கூறியிருப்பதாவது:

தோ்தல் ஆணையத்தின் நோ்மையை அழிக்கும் சதித் திட்டத்தின்கீழ் மோடி அரசு மேற்கொண்ட மற்றொரு நடவடிக்கையே இந்த விதிமுறை திருத்தம். முன்பு தோ்தல் ஆணையா்களை தோ்வு செய்யும் குழுவில் இருந்து உச்சநீதிமன்ற தலைமை நீதிபதியை அவா்கள் நீக்கினா். இப்போது, தோ்தல் தகவல்களை பொதுமக்கள் பாா்வையில் இருந்து தடுக்கும் வேலையில் ஈடுபட்டுள்ளனா்.

அரசமைப்புச் சட்டம் மற்றும் ஜனநாயகத்தின் மீதான மோடி அரசின் தாக்குதல்களைத் தடுக்க காங்கிரஸ் அனைத்து முயற்சிகளையும் மேற்கொள்ளும் என்று காா்கே கூறியுள்ளாா்.

காங்கிரஸ் பொதுச் செயலா் ஜெய்ராம் ரமேஷ் வெளியிட்ட எக்ஸ் பதிவில், ‘தோ்தல் விதிமுறை திருத்தத்துக்கு எதிராக காங்கிரஸ் சாா்பில் சட்ட ரீதியிலான நடவடிக்கை எடுக்கப்படும்’ என்று தெரிவித்தாா்.