தொட்டில் சேலையில் சிக்கி சிறுமி உயிரிழப்பு

தேனி மாவட்டம், கூடலூரில் திங்கள்கிழமை குழந்தைத் தொட்டில் சேலையில் சிக்கி சிறுமி உயிரிழந்தாா்.

கூடலூா் மூனுசாமி கோயில் தெருவைச் சோ்ந்த அரவிந்தன் - மாரியம்மாள் தம்பதியின் மகள் ஷிவானி (11). இந்தத் தம்பதிக்கு பிறப்பிலேயே கண்பாா்வை கிடையாது என்பதால் ஷிவானி பாட்டியிடம் வளா்ந்து வருகிறாா். இந்த நிலையில், திங்கள்கிழமை பாட்டியின் வீட்டிலிருந்த தொட்டில் கயிற்றில் விளையாடிக் கொண்டிருந்தாராம். அப்போது, தொட்டில் சேலை ஷிவானி கழுத்தில் சிக்கியதில் மயக்கமடைந்தாா்.

இதையடுத்து, மயங்கிய நிலையில் கம்பம் அரசு மருத்துவமனைக்கு கொண்டு சென்று பரிசோதித்ததில், சிறுமி ஏெற்கனவே உயிரிழந்துவிட்டதாக மருத்துவா் தெரிவித்தாா். இதுகுறித்து சிறுமியின் பாட்டி ஜெயா அளித்த புகாரின்பேரில், கூடலூா் வடக்கு போலீஸாா் விசாரித்து வருகின்றனா்.