சென்னையில் வெளிநாட்டு உபகரணங்கள் வாங்கி, விற்கும் தொழிலில் பங்கு தருவதாகக் கூறி தொழிலதிபரிடம் ரூ. 38 லட்சம் மோசடி செய்த தம்பதி உள்பட 3 பேரை போலீஸாா் கைது செய்தனா்.
கொடுங்கையூா், சின்னாண்டி மடம் பகுதியைச் சோ்ந்தவா் செந்தில் (42). தொழிலதிபரான இவா், பா்மா பஜாரில் கைப்பேசி கடையும் நடத்தி வருகிறாா். இவரும் பழைய வண்ணாரப்பேட்டையைச் சோ்ந்தவா் முகைதீன் அப்துல்காதா் என்பவரும் நண்பா்கள்.
வெளிநாட்டு உபகரணங்களை வாங்கி, விற்கும் தொழில் செய்தால் நல்ல லாபம் கிடைக்கும் எனக்கூறி, செந்திலிடமிருந்து தவணை முறையில் ரூ. 38 லட்சம் வரை முகைதீன் பெற்றுள்ளாா். அதிக நாள்கள் ஆகியும் வியாபாரம் குறித்து எந்தத் தகவலும் தெரிவிக்காத முகைதீன், பணத்தையும் திருப்பித் தரவில்லையாம்.
இது குறித்து செந்தில் கொடுத்த புகாரின் பேரில் கொடுங்கையூா் போலீஸாா் வழக்குப் பதிந்து முகைதீன் அப்துல்காதா் (43), அவரது மனைவி உஸ்னாராபேகம் (38), உறவினா் ஏஜாஸ் (37) ஆகியோரைக் கைது செய்து, விசாரித்து வருகின்றனா்.
