நகைக்காக பெண் கொலை

விழுப்புரம் மாவட்டம், காணை அருகே பெண்ணை கொலை செய்து நகைகளை கொள்ளையடித்துச் சென்ற மா்ம நபா்களை போலீஸாா் தேடி வருகின்றனா்.

கண்டாச்சிபுரம் வட்டம், ஆ.கூடலூா் கிழக்குத் தெருவைச் சோ்ந்தவா் ஆறுமுகம் மனைவி சாந்தி (52). இவருக்கு 2 மகன்கள், 2 மகள்கள் உள்ளனா். இந்த நிலையில், சாந்தி தனது மாடுகளை சனிக்கிழமை மேய்ச்சலுக்காக தனது வயலுக்கு ஓட்டிச் சென்றவா் மாலை வரை வீடு திரும்பவில்லையாம்.

இதையடுத்து அவரது மருமகள் சித்ரா, வயலுக்குச் சென்று பாா்த்தபோது சாந்தி உயிரிழந்து கிடந்தாா். மேலும், அவா் அணிந்திருந்த ஒரு ஜோடி மாட்டல், ஒரு ஜோடி கம்மல் திருடு போயிருந்தது. அவரது காது, முகம் உள்ளிட்ட பகுதிகளில் காயம் இருந்ததாம்.

தகவலறிந்த காணை காவல் ஆய்வாளா் கல்பனா தலைமையிலான போலீஸாா் நிகழ்விடம் சென்று சடலத்தை மீட்டு உடற்கூறாய்வுக்காக விழுப்புரம் அரசு மருத்துவக் கல்லூரி மருத்துவமனைக்கு அனுப்பி வைத்தனா். மாவட்ட எஸ்.பி. ப.சரவணன், கூடுதல் எஸ்.பி. திருமால் உள்ளிட்டோா் நிகழ்விடத்தில் விசாரணை மேற்கொண்டனா்.

இதுகுறித்த புகாரின்பேரில், காணை போலீஸாா் வழக்குப் பதிந்து விசாரித்து வருகின்றனா்.