சென்னை: கடந்த வாரம் தொடர்ந்து நான்கு நாள்களாக அதிகரித்து வந்த தங்கம் விலை இன்று சவரனுக்கு ரூ.120 குறைந்து விற்பனையாகிறது.
சென்னையில் திங்கள்கிழமை காலை வணிகம் தொடங்கியதும், ஒரு சவரன் ஆபரணத் தங்கம் விலை ரூ.120 குறைந்து ரூ.74,440க்கு விற்பனை செய்யப்படுகிறது.
ஆபரணத் தங்கம் விலை ரூ.15 குறைந்து ஒரு கிராம் தங்கம் ரூ.9,305க்கு விற்பனை செய்யப்படுகிறது.
சென்னையில் ஆபரணத் தங்கத்தின் விலை சனிக்கிழமை சவரனுக்கு ரூ. 200 உயா்ந்து ரூ. 74,560-க்கு விற்பனையான நிலையில் இன்று ரூ.120 குறைந்துள்ளது. கடந்த வாரம் மட்டும் தங்கம் விலை தொடர்ந்து 4 நாள்களில் ரூ. 3,000 அளவுக்கு விலை அதிகரித்தது குறிப்பிடத்தக்கது.
