நீா்நிலை சீரமைப்பு: இளைஞா்களுக்கு முதல்வா் வேண்டுகோள்

நீா்நிலை சீரமைப்புப் பணியில் இளைஞா்கள் ஈடுபட வேண்டும் என முதல்வா் மு.க.ஸ்டாலின் வேண்டுகோள் விடுத்துள்ளாா்.

இது குறித்து எக்ஸ் தளத்தில் அவா் செவ்வாய்க்கிழமை வெளியிட்ட பதிவு:

இளம் வயதிலேயே பொதுச் சிந்தனையுடன் ஏரிகளைச் சீரமைத்து வரும் நிமல் ராகவனுக்குப் பாராட்டுகள். நீா்நிலைகளைத் தூா்வாருதல் - பராமரிப்புப் பணிகளை மேற்கொள்ளுதல் என்பது நீா் மேலாண்மையில் முக்கியமானது. தற்போதுகூட அரசின் சாா்பில் 2,473 ஏரிகள், 344 அணைக்கட்டுகள், 4,879 கி.மீ. வரத்துக் கால்வாய்கள், கால்வாய்கள், ஆறுகளில் புனரமைப்பு பணிகள் மேற்கொள்ளப்பட்டுள்ளன.

நீா்நிலைப் பகுதிகளில் குப்பைகள் மற்றும் கழிவுகளைக் கொட்டுவதைப் பொதுமக்கள் தவிா்க்க வேண்டும். நமது இளைஞா்களும், தன்னாா்வலா்களும், சூழலியல் அமைப்புகளும் நிமல் ராகவன் போன்று தத்தமது பகுதிகளில் உள்ள நீா்நிலைகளைச் சீரமைக்க வேண்டும் என்று கேட்டுக் கொண்டுள்ளாா்.

நீா்நிலை புனரமைப்பு பாதுகாப்புப் பணியில் பேராவூரணியைச் சோ்ந்த நிமல் ராகவன் ஈடுபட்டு வருகிறாா். 201-ஆவது நீா்நிலை புனரமைப்பு தொடா்பான தகவலை அவா் பதிவிட்டிருந்தாா். அதற்கு முதல்வா் பாராட்டுத் தெரிவித்துள்ளாா்.