நெல்லியாளம் நகராட்சியில் ஆட்சியா் ஆய்வு

நெல்லியாளம் நகராட்சிக்கு உள்பட்ட பகுதிகளில் மாவட்ட ஆட்சியா் லட்சுமி பவ்யா தன்னேரு வியாழக்கிழமை ஆய்வு செய்தாா்.

உங்களைத் தேடி உங்கள் ஊரில் திட்டத்தின் கீழ் பந்தலூா் வட்டம் நெல்லியாளம் நகராட்சியில் உள்ள ஆரம்பப் பள்ளியில் முதல்வரின் காலை உணவுத் திட்டத்தின் கீழ் பள்ளி மாணவா்களுக்கு வழங்கும் உணவு வகைகளை பாா்வையிட்டு ஆய்வு மேற்கொண்டாா்.

இதைத் தொடா்ந்து, பந்தலூரில் செயல்பட்டு வரும் நீலகிரி மாவட்ட மத்திய கூட்டுறவு வங்கிக் கிளையை பாா்வையிட்டு நகைக்கடன் வழங்கப்பட்ட விவரங்களைக் கேட்டறிந்தாா். மேலும், பந்தலூா் கிளை நூலகத்தை பாா்வையிட்டு வாசகா்களின் வருகைப் பதிவேடு மற்றும் தொடா்ந்து வரும் வாசகா்களின் எண்ணிக்கை குறித்தும், நூலகத்தில் உள்ள புத்தகங்களின் விவரங்கள் குறித்தும் கேட்டறிந்தாா்.

ஆய்வின்போது, கூடலூா் கோட்டாட்சியா் செந்தில்குமாா், பந்தலூா் வட்டாட்சியா் சிராஜூநிஷா உள்ளிட்ட அலுவலா்கள் உடனிருந்தனா்.