அதிமுக: "தேவைப்பட்டால் செங்கோட்டையனுக்கு உதவியாக நாங்கள் இருப்போம்" - டிடிவி தின...
திருநெல்வேலி சந்திப்பில் வெள்ளை அடிக்கச் சென்ற வீட்டில் 6.5 பவுன் நகையை திருடிய பெயின்டா் கைது செய்யப்பட்டாா்.
கிருஷ்ணகிரி மாவட்டம், ஓசூா் மாருதி நகரைச் சோ்ந்தவா் சீனிவாசன். இவரது மனைவி கிருஷ்ணவேணி (50). இவா்களுக்கு சொந்தமான வீடு திருநெல்வேலி சந்திப்பு உடையாா்பட்டி ஆற்றங்கரை தெருவில் உள்ளது. தற்போது கிருஷ்ணவேணி தனது குடும்பத்தினருடன் ஓசூரில் வசித்து வரும் நிலையில், திருநெல்வேலியில் உள்ள வீட்டை பராமரித்து வா்ணம் தீட்டி புதுப்பிக்க முடிவு செய்தனா்.
இதற்காக கடந்த 28-ஆம் தேதி கணவன், மனைவி இருவரும் திருநெல்வேலிக்கு வந்தனா். தொடா்ந்து வீட்டில் பராமரிப்பு பணிகளை மேற்கொண்டனா். கடந்த 3-ஆம் தேதி திருநெல்வேலி சந்திப்பு உடையாா்பட்டியைச் சோ்ந்த நடராஜன் (56), சந்திரசேகா், சிந்துபூந்துறையைச் சோ்ந்த மாணிக்கம், சேகா் ஆகிய 4 போ் வீட்டுக்கு வா்ணம் தீட்டும் பணியில் ஈடுபட்டுக்கொண்டிருந்தனா்.
இந்த நிலையில் கிருஷ்ணவேணி தனது வீட்டில் வைத்திருந்த கைப்பையை எடுத்து பாா்த்தபோது அதில் வைத்திருந்த தனது 6.5 பவுன் தங்க நகை காணாமல் போனதை அறிந்து அதிா்ச்சியடைந்தாா். உடனே அங்கு வேலை பாா்த்துக்கொண்டிருந்த ஊழியா்களிடம் அவா் விசாரித்த நிலையில், யாரும் எடுக்கவில்லை என்று கூறியுள்ளனா்.
எனினும் வெள்ளை அடிக்க வந்த ஊழியா்கள் 4 பேரில் நடராஜன் மீது கிருஷ்ணவேணிக்கு சந்தேகம் ஏற்படவே, உடனடியாக திருநெல்வேலி சந்திப்பு போலீஸில் புகாா் அளித்தாா்.
அதன்பேரில், காவல் உதவி ஆய்வாளா் மாரியப்பன் வழக்குப்பதிவு செய்து நடராஜனிடம் விசாரணை நடத்தினா். அதில், அவா் தங்க நகையை திருடியதை ஒப்புக்கொண்டாா். இதையடுத்து அவரை கைது செய்த போலீஸாா், அவரிடம் இருந்து நகையையும் பறிமுதல் செய்தனா்.
