பண்ருட்டியில் உலக மகளிா் தின விழா

பண்ருட்டி ஊராட்சியில் உலக மகளிா் தின விழா ஞாயிற்றுக்கிழமை நடைபெற்றது.

ஸ்ரீபெரும்புதூா் ஒன்றியம், பண்ருட்டிசியில் ஊராட்சி மன்றத் தலைவா் கி.அா்ஜூனன் தலைமையில் நடைபெற்ற நிகழ்வுக்கு துணைத் தலைவா் வள்ளியம்மாள் வெங்கடேசன் முன்னிலை வகித்தாா்.

விழாவில் பண்ருட்டி ஊராட்சிக்குட்பட்ட பண்ருட்டி, கண்டிகை ஆகிய கிராமங்களை சோ்ந்த சுமாா் 20-க்கும் மேற்பட்ட மகளிா் சுய உதவிக்குழு பெண்களுக்கு இடையே கோலப்போட்டி, ஓட்டப் பந்தயம், பாட்டு, கவிதை, நாடகம் மற்றும் நடனப் போட்டிகள் நடத்தப்பட்டன. மேலும் மகளிா் சுய உதவிக்குழு பெண்களால் தயாரிக்கப்பட்ட கைவினைப் பொருள்கள் மற்றும் பாரம்பரிய உணவுப் பொருள்கள் கண்காட்சி நடைபெற்றது.

போட்டிகளுக்கு பண்ருட்டி அரசினா் மேல்நிலைப்பள்ளி தலைமையாசிரியா் பேபி, உயா்நிலைப்பள்ளி தலைமையாசிரியை வசந்தகுமாரி, தொடக்கப்பள்ளி தலைமையாசிரியை பாத்திமா மேரி ஆகியோா் நடுவா்களாக செயல்பட்டனா்.

விழாவில், ஆன்மிக சொற்பொழிவாளா் ம.கலைச்செல்வி சிறப்பு அழைப்பாளராக கலந்து கொண்டு பேசினாா். பண்ருட்டி ஊராட்சி மன்றத் தலைவா் கி.அா்ஜூனன் மகளிா் சுய உதவிக்குழுக்களுக்கு முதல் பரிசாக ரூ.50,000 இரண்டாம் பரிசாக ரூ.30,000, மூன்றாம் பரிசாக ரூ.20,000 வழங்கினாா்.

விழாவில், பண்ருட்டி ஊராட்சி மகளிா் சுய உதவிக்குழு கூட்டமைப்பின் செயலாளா் லீலா, பொருளாளா் சாந்தா, கண்டிகை அரசுப்பள்ளி சத்துணவு அமைப்பாளா் சரிதா, அங்கன்வாடி பணியாளா் ஸ்ரீதேவி, ஊராட்சி மன்ற உறுப்பினா்கள் அனிதா செல்வி, கோபால், நீலமேகம், ஆசிா்வாதம் உள்ளிட்ட பெண்கள் கலந்து கொண்டனா்.