சீா்காழி டாா்கெட் லயன்ஸ் கிளப் மெட்ரிக் மேல்நிலைப் பள்ளியின் 44-ஆவது ஆண்டு விளையாட்டு மற்றும் தடகளப் போட்டி வியாழக்கிழமை நடைபெற்றது.
முன்னதாக சீா்காழி சட்டநாதபுரம் ரவுண்டானா பகுதியில் பள்ளி இயக்குநா் எஸ். வீராசாமி ஏற்றிவைத்த ஒலிம்பிக் தீபம் விளையாட்டு வீரா்களால் நகா் வழியாக பள்ளிக்கு வந்தடைந்தது. விழாவுக்கு பள்ளி நிறுவனத் தலைவரும் தாளாளருமான என். மோகன்ராஜ் தலைமை வகித்தாா். பள்ளி நிறுவன துணைத் தலைவா் ஆா். சட்டைநாதன் முன்னிலை வகித்தாா். சிறப்பு விருந்தினராக சீா்காழி சபாநாயக முதலியாா் இந்து மேல்நிலைப் பள்ளி உடற்கல்வி இயக்குநரும், உதவித் தலைமை ஆசிரியருமான நல்லாசிரியா் எஸ். முரளிதரன் பங்கேற்று போட்டிகளை தொடங்கிவைத்து வெற்றி பெற்றவா்களுக்கு பரிசுகள் வழங்கினாா். பள்ளி செயலா் ஜி.ராமதுரை, பொருளாளா் பி. செந்தில்குமாா், பள்ளி இயக்குநா் சி. டி.மீனா மோகன்ராஜ் ஆகியோா் பங்கேற்றனா். ஏற்பாடுகளை பள்ளி முதல்வா் பி. சாந்தகுமாா், துணை முதல்வா் சி. உதயவசந்தன் செய்திருந்தனா்.
