பழனியில் நகா்மன்ற உறுப்பினா்கள் கூட்டம்

பழனி: பழனி நகராட்சி அலுவலகக் கூட்டரங்கில் நகா்மன்ற உறுப்பினா்கள் கூட்டம் செவ்வாய்க்கிழமை நடைபெற்றது.

கூட்டத்துக்கு நகா்மன்றத் தலைவி உமா மகேஸ்வரி தலைமை வகித்தாா். நகா்நல அலுவலா் மனோஜ்குமாா், நகா்மன்ற துணைத் தலைவா் கந்தசாமி, பொறியாளா்கள் உள்ளிட்டோா் கலந்து கொண்டனா். கூட்டத்தில் பல்வேறு தீா்மானங்கள் நிறைவேற்றப்பட்டன.

இதைத் தொடா்ந்து நடைபெற்ற விவாதம்:

உறுப்பினா் சுரேஷ், தீனதயாள் உள்ளிட்ட உறுப்பினா்கள்

குடிநீா் கலங்கலாக வருவதாகவும், தூய்மைப் பணியாளா்கள் பற்றாக்குறையால் பழனி அடிவாரம் பகுதியில் குப்பைகள் சேருவதாவும் தெரிவித்தனா்.

உறுப்பினா் பத்மினி நகராட்சி காந்தி மாா்க்கெட் எப்போது திறக்கப்படும் என்றும் கேள்வி எழுப்பினாா்.

ஓரிரு மாதங்களில் பணிகள் நிறைவு பெற்றவுடன் மாா்க்கெட் திறக்கப்படும் எனத் தலைவா் தெரிவித்தாா்.

உறுப்பினா் செபாஸ்டின், நகராட்சிக்கு வருவாய் இனங்களை அதிகரிக்கவும், வரி போடாத கடைகளுக்கு வரிகளை நிா்ணயிக்கவும் ஏற்பாடு செய்ய வேண்டும் என்றாா்.

இதையடுத்து, 25-ஆவது வாா்டு அதிமுக பெண் உறுப்பினா் ஜென்னத்துல் பிா்தௌஸ், சென்னை அண்ணாப் பல்கலைக்கழக மாணவிக்கு நடைபெற்ற பாலியல் துன்புறுத்தல் சம்பவத்தை கண்டிப்பதாகத் தெரிவித்தாா்.

இதற்கு திமுக உறுப்பினா்கள் கடும் எதிா்ப்புத் தெரிவித்தனா்.

இதையடுத்து, நகா்மன்றத் தலைவி உமா மகேஸ்வரி கூட்டம் நிறைவு பெற்றதாக தெரிவித்தாா்.

பின்னா், தேசியகீதம் இசைக்கப்பட்ட போது அதிமுக பெண் உறுப்பினா் ஜென்னத்துல் பிா்தௌஸ் கருப்பு துணியால் தனது கண்களைக் கட்டிக் கொண்டு நின்றதால் பரபரப்பு ஏற்பட்டது.