பாதுகாப்பு ஆணையா் இன்று விசாரணை

பயணிகள் மீது கா்நாடக விரைவு ரயில் மோதிய விபத்து குறித்து மத்திய மற்றும் மேற்கு வட்ட ரயில்வே பாதுகாப்பு ஆணையா் மனோஜ் அரோரா வியாழக்கிழமை விசாரணை மேற்கொள்கிறாா்.

இதுகுறித்து அவா் அளித்த பேட்டியில், ‘விபத்து நடைபெற்ற மஹேஜி - பா்தாடே ரயில் நிலையங்களுக்கு இடையே பச்சோரா பகுதியில் வியாழக்கிழமை காலை நேரில் சென்று விசாரிக்க இருக்கிறேன். விசாரணையில் பயணிகள் மற்றும் நேரில் பாா்த்த சாட்சியங்களின் வாக்குமூலங்கள் பதிவு செய்யப்படும்’ என்றாா்.

விபத்தில் தொடா்புடைய 2 ரயில்களின் பணியாளா்களிடமும் பாதுகாப்பு ஆணையா் விசாரணை நடத்துவாா் என்று ரயில்வே வட்டாரங்கள் தெரிவித்தன.

வளைவான பாதையே காரணம்?: ரயில்வே அதிகாரிகள் கூறுகையில், ‘2 ரயில்களின் ஓட்டுநா்களும் முறையான நெறிமுறைகளைப் பின்பற்றி விபத்தைத் தவிா்க்க தங்களால் இயன்றவரை முயற்சித்தனா். விதிகளின்படி, புஷ்பக் ரயில் நின்றதும் ஓட்டுநா் ‘எச்சரிக்கை’ விளக்கை எரியவிட்டாா். அந்த சமிக்ஞையைப் பாா்த்து கா்நாடக விரைவு ரயில் ஓட்டுநா் பிரேக்கை செலுத்தினாா். ஆனால், சம்பவ இடத்தில் பாதை வளைவாக இருந்த காரணத்தால் கா்நாடக விரைவு ரயிலின் ‘பிரேக்கிங் தூரம்’ பாதிக்கப்பட்டது’ என்றனா்.

ரயில்வே அதிகாரிகளின் கூற்றுப்படி, இந்த வழித்தடத்தில் ரயில்கள் மணிக்கு 100 கி.மீ. வேகத்தில் இயக்கப்படுகின்றன.