பிக் பாஸ் சீசன் 8 நிகழ்ச்சியில் மீண்டும் பவித்ராவுடன் மஞ்சரி வாக்குவாதத்தில் ஈடுபட்டார். இதற்கு முன்பு ஏஞ்சல்களும் டெவில்களும் போட்டியின்போது இருவரிடையே கசப்பான அனுபவங்கள் ஏற்பட்டிருந்தன.
விஜய் தொலைக்காட்சியில் ஒளிபரப்பாகிவரும் பிக் பாஸ் சீசன் 8 நிகழ்ச்சி 13வது வாரத்தை எட்டியுள்ளது. இந்நிகழ்ச்சி முடிய இன்னும் ஒருசில வாரங்களே உள்ளதால், போட்டியாளர்களிடயே ஆட்டம் விறுவிறுப்படைந்துள்ளது.
13வது வாரத்தில் 4வது நாளான இன்றும் டிக்கெட் டூ ஃபினாலே எனப்படும் நேரடியாக இறுதிப்போட்டியாளராகத் தகுதி பெறுவதற்காக போட்டிகள் நடைபெற்றன.
இதில் உடலில் தடுப்புகளைக் கட்டிக்கொண்டு ஆங்காங்கே துண்டுகளாக உள்ள படங்களை சேகரித்து எடுத்து தன்னுடைய முகம் கொண்ட முழு படத்தை உருவாக்க வேண்டும். இதில் போட்டியாளர்கள் மற்ற போட்டியாளர்கள் முந்திச் செல்வதையும் தடுக்கலாம்.
இப்போட்டியில் மற்றவர்களின் புகைப்படங்களை எடுத்ததைப் போன்று உன்னுடைய புகைப்படத்தை எடுக்கவும் முயற்சித்தேன் என மஞ்சரி கூறுகிறார்.
ஆனால், பவித்ரா இதற்கு மறுப்பு தெரிவித்து, நீ அப்படி செய்யவில்லை, போட்டியை சீரழிக்கிறாய். நீங்கள் பேசிவைத்துக்கொண்டு விளையாடுகிறீர்கள் எனக் கூறுகிறார்.
நாங்கள் பேசிவைத்துக்கொண்டு புகைப்படத் துண்டுகளை எடுக்கவில்லை, ஒருவருடைய படங்களை இன்னொருவர் எடுத்தால் இந்த ஆட்டத்தை ஆடவே முடியாது என்கிறார் மஞ்சரி.
இதற்கு பதிலளித்த பவித்ரா, அது உன்னுடைய புரிதல் என பதிலடி கொடுக்கிறார். இதனால் ஆத்திரமடைந்த மஞ்சரி, பவித்ராவால் டென்ஷன் ஏற்படுவதாகக் குறிப்பிட்டார். இது தொடர்பான முன்னோட்ட விடியோ வெளியாகியுள்ளது.
