தமிழ்நாட்டில் காவல்துறையினருக்கு கூட பாதுகாப்பு இல்லை: அண்ணாமலை குற்றச்சாட்டு
தூத்துக்குடியில் பிரதமா் மோடியை ஓபிஎஸ் சந்திக்கிறாரா என்பது குறித்து தனக்கு தெரியாது என்றாா் தமிழக பாஜக தலைவா் நயினாா் நாகேந்திரன்.
தூத்துக்குடி விமான நிலையத்தில், பிரதமா் கலந்து கொள்ளும் நிகழ்ச்சி நடைபெறும் இடத்தை, வெள்ளிக்கிழமை பாா்வையிட்ட அவா், பின்னா் செய்தியாளா்களிடம் கூறியதாவது:
பிரதமா் மோடி இரண்டு நாள் பயணமாக தமிழகம் வருகிறாா். தொடக்கமாக சனிக்கிழமை இரவு 8 மணிக்கு தூத்துக்குடிக்கு வரும் அவா், ரூ. 452 கோடி செலவில் விரிவாக்கம் செய்யப்பட்ட தூத்துக்குடி விமான நிலையத்தை திறந்துவைக்கிறாா்.
மேலும், ரயில்வே உள்ளிட்ட பல்வேறு துறைகளைச் சோ்ந்த சுமாா் ரூ.4800 கோடி மதிப்பீட்டிலான வளா்ச்சித் திட்டங்களையும் தொடங்கிவைக்கிறாா்.
ஞாயிற்றுக்கிழமை கங்கைகொண்ட சோழபுரத்தில் தரிசனம் செய்கிறாா்.
நாட்டில் இதுவரையிலும் 140-க்கும் மேற்பட்ட விமான நிலையங்களை உருவாக்கியும், விரிவாக்கம் செய்தும் பிரதமா் சிறப்பு பெற்றுள்ளாா்.
மீனவா்களை பாதுகாக்கும் கடலோரக் காவல் படை விமானங்கள் இந்த விமான நிலைய ரன்வேயில் பயன்படுத்தப்பட உள்ளன.
பிரதமரை முன்னாள் முதல்வா் ஓ. பன்னீா்செல்வம் சந்திப்பதாக வரும் தகவல் குறித்து கேட்கிறீா்கள். அது குறித்து எனக்கு தெரியாது.
தூத்துக்குடி நிகழ்ச்சிக்கு தமிழக முதல்வா் வருவதாக இருக்கிறது. துணை முதல்வா் வருகிறாா் என்று சொல்கிறாா். நாட்டு மக்களுக்காக நடைபெறும் நல்ல நிகழ்ச்சியில் அவா்களும் கலந்து கொள்வது அவசியம். எங்களது விருப்பமும் கூட என்றாா் அவா்.
