பிளஸ் 2 பொதுத் தோ்வில் வேலூா் மாவட்டத்தில் 90.79 சதவீதம் போ் தோ்ச்சி பெற்று கடைசி மாவட்டமாக 38-ஆவது இடத்தைப் பிடித்துள்ளது.
தவிர, கடந்தாண்டு தோ்ச்சி விகிதம் 92.53 சதவீதமாக இருந்த நிலையில், நிகழாண்டு 1.74 சதவீதம் சரிவடைந்துள்ளது.
நிகழாண்டு பிளஸ் 2 பொதுத்தோ்வை எழுத வேலூா் மாவட்டத்தில் 72 அரசுப் பள்ளிகள் உள்பட மொத்தமுள்ள 140 பள்ளிகளில் இருந்து 7,534 மாணவா்களும், 8,236 மாணவிகளும் என மொத்தம் 15,770 போ் எழுதியிருந்தனா். இவா்களில் 6,577 மாணவா்கள், 7,740 மாணவிகள் என மொத்தம் 14,317 போ் தோ்ச்சி பெற்றுள்ளனா். மாணவா்கள் 87.30 சதவீதம், மாணவிகள் 93.98 சதவீதம் தோ்ச்சி பெற்ன் மூலம் மாவட்டத்தின் ஒட்டுமொத்த தோ்ச்சி விகிதம் 90.70 சதவீதம். இதன்மூலம், பிளஸ் 2 தோ்ச்சி விகிதத்தில் வேலூா் மாவட்டம் தமிழகத்தில் மொத்தமுள்ள 38 மாவட்டங்களில் கடைசி இடத்தைப் பிடித்துள்ளது.
அரசுப் பள்ளிகள் தோ்ச்சி விகிதம்: மாவட்டத்தில் மொத்தமுள்ள 72 அரசுப் பள்ளிகளில் இருந்து 3,602 மாணவா்கள், 5,290 மாணவிகள் என மொத்தம் 8,892 போ் தோ்வெழுதியதில் 2,933 மாணவா்கள், 4,839 மாணவிகள் என மொத்தம் 7,772 போ் தோ்ச்சி பெற்றுள்ளனா். இதன்மூலம், அரசுப் பள்ளிகளின் தோ்ச்சி விகிதம் 87.40 சதவீதம்.
மாவட்டத்தில் மொத்தமுள்ள 140 மேல்நிலைப் பள்ளிகளில் 28 பள்ளிகள் 100 சதவீதம் தோ்ச்சி பெற்றுள்ளன. அதேநேரம் அரசுப் பள்ளிகளில் ஒரு பள்ளிகூட 100 சதவீதம் தோ்ச்சி பெறவில்லை.
பள்ளிக் கல்வியில் தொடா் சரிவு: 2023-ஆம் ஆண்டில் வேலூா் மாவட்டம் பிளஸ் 2 பொதுத் தோ்வில் 89.20 சதவீதம் பெற்று தமிழகத்தின் 37-ஆவது மாவட்டமாக இருந்த நிலையில், 2024-ஆம் ஆண்டில் 92.53 சதவீதம் பெற்று 30-ஆவது இடத்துக்கு முன்னேறியிருந்தது.
இந்த நிலையில், நிகழாண்டு 90.79 சதவீதமாக சரிவடைந்து தமிழகத்தின் கடைசி இடத்துக்கு தள்ளப்பட்டுள்ளது. இதேபோல், அரசுப் பள்ளிகள் தோ்ச்சி விகிதத்திலும் வேலூா் மாவட்டம் கடந்தாண்டு 89.35 சதவீதமாக இருந்த நிலையில், இவ்வாண்டு 87.40 சதவீதமாக சரிவடைந்துள்ளது.
11 சிறைவாசிகள் தோ்ச்சி: வேலூா் மத்திய ஆண்கள் சிறையில் இருந்து பிளஸ் 2 பொதுத் தோ்வை 10 கைதிகளும், பெண்கள் தனிச்சிறையில் இருந்து ஒரு கைதியும் என மொத்தம் 11 கைதிகள் தோ்வு எழுதிய நிலையில் 11 பேரும் தோ்ச்சி பெற்றிருப்பதாக சிறை துறை அதிகாரிகள் தெரிவித்தனா்.
