புகையிலை பொருள்கள் விற்றவா் கைது

போடி அருகே தடைசெய்யப்பட்ட புகையிலைப் பொருள்களை பதுக்கிவைத்து விற்றவரை போலீஸாா் ஞாயிற்றுக்கிழமை கைது செய்தனா்.

தேனி மாவட்டம், போடி தாலுகா காவல் நிலைய போலீஸாா் போடி கிராம பகுதிகளில் ரோந்து பணியில் ஈடுபட்டிருந்தனா்.

அப்போது, போடி மீனாட்சிபுரம் பட்டாளம்மன் கோயில் தெருவில் பெட்டிக்கடை வைத்துள்ள முகமது இப்ராஹிம் மகன் முகமது ரபிக் (58) தனது கடையில் தடைசெய்யப்பட்ட புகையிலை பொருள்களைப் பதுக்கி வைத்து விற்றுவந்தது தெரியவந்தது.

இதுகுறித்து முகமது ரபிக் மீது வழக்குப் பதிவு செய்த போடி தாலுகா காவல் நிலைய போலீஸாா் அவரைக் கைது செய்து விசாரிக்கின்றனா்.