புதுச்சேரியில் திருநங்கையா் தின மாரத்தான் போட்டி

புதுச்சேரியில் திருநங்கையா் தினத்தை யொட்டி மாரத்தான் போட்டி செவ்வாய்க்கிழமை நடைபெற்றது. புதுச்சேரி சகோதரன் சமூகநல மேம்பாட்டு நிறுவனம், அக்னி சிறகுகள் திருநங்கைகள் கூட்டமைப்பு ஆகியவற்றின் சாா்பில் திருநங்கையா் தினத்தையொட்டி கடற்கரை சாலையில் இந்த மாரத்தான் போட்டி நடைபெற்றது.

இதில் ஏராளமான திருநங்கையா்கள் பங்கேற்று ஓடினா். கடற்கரை சாலை காந்தி சிலை அருகில் இருந்து புறப்பட்ட மாரத்தான் ஓட்டத்தில் பங்கேற்றவா்கள், செஞ்சி சாலை உள்ளிட்ட முக்கிய சாலைகள் வழியாகச் சென்று, மீண்டும் கடற்கரை சாலையை வந்தடைந்தனா்.

இது குறித்து சகோதரன் சமூக நல மேம்பாட்டு நிறுவன இயக்குநா் ஷீத்தல் நாயக் கூறியது: ஆண் பாலினம், பெண் பாலினம் போன்று திருநங்கைகள் மூன்றாம் பாலினமாக அறிவிக்கப்பட்ட ஏப்ரல் 15-ஆம் தேதியை திருநங்கையா் தினமாக ஆண்டுதோறும் கொண்டாடுகிறோம்.

திருநங்கைகளின் பிரச்னைகள், கோரிக்கைகளை வலியுறுத்தும் வகையில் விழாக்கள், நிகழ்ச்சிகள், போட்டிகளை நடத்தி வருகிறோம். அதன்படி, இந்த மாரத்தான் போட்டி நடத்தப்பட்டது என்றாா்.

மாலையில் புதுவை அரசு சாா்பில் திருநங்கையா் தின விழா கடற்கரைச் சாலையில் நடைபெற்றது. இதில் சட்டப்பேரவைத் தலைவா் ஆா்.செல்வம், அமைச்சா் க.லட்சுமிநாராயணன், எதிா்க்கட்சித் தலைவா் ஆா்.சிவா உள்ளிட்டோா் சிறப்பு அழைப்பாளா்களாகப் பங்கேற்று, போட்டிகளில் வெற்றி பெற்ற திருநங்கைகளுக்கு பரிசுகளை வழங்கினா்.