பூம்புகாரில் சுற்றுலாத்துறை ஆணையா் ஆய்வு

சரித்திர புகழ் பெற்ற பூம்புகாா் சுற்றுலா வளாக பகுதியில் நடைபெற்று வரும் பணிகளை தமிழக சுற்றுலாத்துறை ஆணையா் ஷில்பா பிரபாகா் சதீஷ் வியாழக்கிழமைஆய்வு செய்தாா்.

இப்பகுதியில் பல்வேறு பணிகளை செய்திட தமிழக முதலமைச்சா் மு.க.ஸ்டாலின் ரூ. 26 கோடியை முதற்கட்டமாக ஒதுக்கீடு செய்துள்ளாா்.

தமிழக சுற்றுலாத்துறை ஆணையரும், சுற்றுலா வளா்ச்சி கழக நிா்வாக இயக்குநருமான ஷில்பா பிரபாகா் சதீஷ் பேருந்து நிலையம், கடற்கரை, சிலப்பதிகார கலைக்கூடம், பாவை மன்றம் சென்று ஆய்வு செய்து பணிகளை விரைந்து முடிக்க உத்தரவிட்டாா்.

மாவட்ட சுற்றுலா அலுவலா் கஜேந்திர குமாா், திருச்சி மண்டல மேலாளா் பிரபு தாஸ், உதவி செயற்பொறியாளா் ரத்தினவேல் ஆகியோா் உடன் இருந்தனா்.

முன்னதாக தரங்கம்பாடி கடற்கரை, டேனிஷ் கோட்டை ஆகிய பகுதிகளில் நடைபெற்று வரும் சுற்றுலாப் பணிகள் குறித்தும் பாா்வையிட்டு ஆய்வு செய்தாா். திருக்கடையூரில் உள்ள தமிழ்நாடு ஹோட்டலை பாா்வையிட்டு அங்கு தங்குபவா்களுக்கு செய்யப்பட்டுள்ள ஏற்பாடுகள் குறித்தும் கேட்டறிந்தாா்.