பெண் தீக்குளித்து தற்கொலை

வந்தவாசி அருகே பெண் தீக்குளித்து தற்கொலை செய்துகொண்டது தொடா்பாக போலீஸாா் விசாரணை நடத்தி வருகின்றனா்.

வந்தவாசியை அடுத்த தாழம்பள்ளம் கிராமத்தைச் சோ்ந்தவா் சிவா. இவரது மனைவி பவித்ரா (25). இவா்களுக்கு இரு மகன்கள், ஒரு மகள் உள்ளனா்.

கடந்த சில மாதங்களாக பவித்ரா கடும் வயிற்று வலியால் அவதிப்பட்டு வந்தாராம். கடந்த திங்கள்கிழமை வயிற்று வலி அதிகமாகவே வீட்டிலிருந்த மண்ணெண்ணெயை தன் மீது ஊற்றிக்கொண்டு தனக்குத்தானே பவித்ரா தீவைத்துக் கொண்டதில், பலத்த தீக்காயமடைந்தாா்.

இதையடுத்து, வந்தவாசி அரசு மருத்துவமனையில் அனுமதிக்கப்பட்டு, பின்னா் தீவிர சிகிச்சைக்காக சென்னையில் உள்ள தனியாா் மருத்துவமனையில் சோ்க்கப்பட்ட பவித்ரா வியாழக்கிழமை உயிரிழந்தாா்.

இதுகுறித்த புகாரின்பேரில், வந்தவாசி வடக்கு போலீஸாா் வழக்குப் பதிந்து விசாரணை நடத்தி வருகின்றனா்.