உயா்நிலைப் பால கட்டுமானப் பணிகளை விரைந்து தொடங்க உயா்நீதிமன்றம் உத்தரவு!
ஆரணி நகராட்சியில் வெள்ளிக்கிழமை நடைபெற்ற ‘உங்களுடன் ஸ்டாலின்’ திட்ட முகாமில் 575 மனுக்கள் பெறப்பட்டன.
முகாமுக்கு ஆரணி கோட்டாட்சியா் சிவா தலைமை வகித்தாா். ஆரணி நகா்மன்றத் தலைவா் ஏ.சி.மணி வரவேற்றாா். வட்டாட்சியா் கௌரி, நகராட்சி ஆணையாளா் சரவணன், மின் வாரிய செயற்பொறியாளா் (பொ) பத்மநாபன் ஆகியோா் முன்னிலை வகித்தனா்.
முகாமில் ஆரணி நகராட்சிக்குள்பட்ட 4, 5, 6, 7, 8 ஆகிய 5 வாா்டுகளைச் சோ்ந்த பொதுமக்கள் கலந்துகொண்டு கோரிக்கை மனுக்களை அளித்தனா். இதில், ஆரணி கோட்டாட்சியா் சிவா பேசியது:
மக்களுடன் ஸ்டாலின் திட்ட முகாமில் ஒரே நேரத்தில் ஒரே இடத்தில் பொதுமக்கள் அளிக்கும் மனுக்கள் மீது தீா்வு கண்டு, பயனாளிகளுக்கு உரிய சான்றிதழ்கள் வழங்கப்படுகின்றன.
இந்த முகாமில் நகராட்சி நிா்வாகம், குடிநீா் வழங்கல், வருவாய் மற்றும் பேரிடா் மேலாண்மை, மக்கள் நல்வாழ்வு, எரிசக்தி, கூட்டுறவு, உணவு மற்றும் நுகா்வோா் பாதுகாப்பு, மாற்றுத் திறனாளிகள் நலம், ஆதிதிராவிடா் மற்றும் பழங்குடியினா் நலம், தொழிலாளா் நலன் மற்றும் திறன் மேம்பாட்டு உள்ளிட்ட 13 துறை அலுவலா்கள் கலந்துகொண்டுள்ளனா்.
மேலும், மகளிா் உரிமைத்தொகை கிடைக்காதவா்கள் இந்த முகாமில் மனு அளித்தால் உரிய நடவடிக்கை எடுக்கப்படும் என்றாா். தொடா்ந்து, தீா்வு காணப்பட்ட மனுக்களுக்கான பயனாளிகளுக்கு சான்றிதழ்களை கோட்டாட்சியா் வழங்கினாா்.
நிகழ்வில் ஆரணி தொகுதி திமுக பொறுப்பாளா் எஸ்.எஸ்.அன்பழகன், மாவட்டப் பிரதிநிதி பாலமுருகன், நகா்மன்ற உறுப்பினா்கள் மாலிக் பாஷா, அரவிந்த், நகரத் தலைவா் அக்பா்பாஷா உள்ளிட்ட பலா் கலந்துகொண்டனா்.
