பெண்களுக்கு மாதாந்திர நிதியுதவி உறுதிமொழியை வெளியிடுவதில் தாமதம்: ஆம் ஆத்மி சுவரொட்டி பிரசாரம்

மாா்ச் 8 ஆம் தேதிக்குள் பெண்களுக்கு மாதாந்திர நிதியுதவி ரூ.2,500 வழங்குவதாக பாஜக அரசு அளித்த வாக்குறுதியை நிறைவேற்ற அழுத்தம் கொடுக்கும் வகையில், தில்லியில் உள்ள மேம்பாலம் ஒன்றில் புதன்கிழமை ‘இன்னும் மூன்று நாள்கள் மட்டுமே’’ என்ற வாசகத்துடன் கூடிய சுவரொட்டிகளை ஆம் ஆத்மி கட்சியினா் ஒட்டியுள்ளனா்.

மாா்ச் 8 ஆம் தேதி சா்வதேச மகளிா் தினமாக கொண்டாடப்படுகிறது. இந்த நிலையில், மகளிா் உதவித் தொகை திட்டத்தை செயல்படுத்துவதில் ஏற்பட்டுள்ள தாமதம் குறித்து கேள்வி எழுப்பும் வகையில், பிரதமா் நரேந்திர மோடியின் ஜனவரி 30 ஆம் தேதி

தோ்தல் பிரசாரத்தின் போது கூறிய கருத்துகளை ஆம் ஆத்மி கட்சி மூத்தத் தலைவரும் முன்னாள் எம்எல்ஏவுமான ரிதுராஜ் ஜா சுட்டிக்காட்டினாா்.

இதுகுறித்து அவா் கூறுகையில், ‘தில்லியில் பாஜக அரசு அமைந்தவுடன், முதல் அமைச்சரவைக் கூட்டத்தில் பெண்களுக்கு ரூ.2,500 வழங்கும் திட்டம் நிறைவேற்றப்படும் என்றும், மாா்ச் 8 ஆம் தேதி சா்வதேச மகளிா் தினத்தன்று அந்தத் தொகை அவா்களின் வங்கிக் கணக்குகளுக்கு மாற்றப்படும் என்றும் பிரதமா் மோடி கூறியிருந்தாா்.

இதற்கு இப்போது மூன்று நாள்கள் மட்டுமே உள்ளன. அனைவரும் எப்போது தொகையை மாற்றுவாா்கள் என்பதை அறிய விரும்புகிறாா்கள். தில்லியில் உள்ள ஒவ்வொரு பெண்ணும் தங்கள் வங்கிக் கணக்கில் ரூ.2,500 வரவு வைக்க காத்திருக்கிறாா்கள் என்றாா் அவா்.

முன்னதாக, இந்த விவகாரத்தை எழுப்பி எதிா்க்கட்சித் தலைவா் அதிஷி தலைமையில் ஆம் ஆத்மி கட்சியினா் மண்டி ஹவுஸ் மெட்ரோ நிலையம் முன் செவ்வாய்க்கிழமை போராட்டம் மேற்கொண்டனா்.

பெண்களுக்கு நிதி உதவி வழங்கும் திட்டத்தை செயல்படுத்துவது குறித்து தில்லியில் புதிதாக தோ்ந்தெடுக்கப்பட்ட பாஜக அரசிடம் இருந்து தெளிவான காலக்கெடுவை ஆம் ஆத்மி கட்சி கோரி வருகிறது.

தில்லி சட்டப் பேரவைத் தோ்தலின்போது பாஜக பெண்களுக்கு ரூ.2,500 மாதாந்திர உதவித்தொகை வாக்குறுதியை வழங்கியது.

அதேவேளையில், ஆம் ஆத்மி கட்சி தாங்கள் ஆட்சிக்கு வந்தால் மகளிருக்கு மாதம்தோறும் ரூ.2,100 தொகை வழங்கப்படும் என்று தெரிவித்திருந்தது. ஆனால், தோ்தலில் பாஜக அமோக வெற்றி பெற்றது. 70 இடங்களில் 48 இடங்களை வென்றது. ஆம் ஆத்மி கட்சிக்கு 22 இடங்கள் மட்டுமே கிடைத்தது. அதே நேரத்தில் காங்கிரஸ் எந்த இடமும் கிடைக்கவில்லை.

ஆம் ஆத்மி கட்சியின் தொடா் விமா்சனங்களுக்கு பதிலளித்த முதலமைச்சா் ரேகா குப்தா, பாஜக தனது வாக்குறுதியை நிச்சயமாக நிறைவேற்றும் என்று திங்கள்கிழமை கூறியிருந்தாா். இது தொடா்பாக அவா் சட்டப் பேரவையில் பேசுகையில், ‘‘பெண்களுக்கு எப்போது ரூ.2,500 வழங்குவோம் என்று ஆம் ஆத்மி எங்களிடம் கேள்வி கேட்கக்கூடாது. அவா்கள் தில்லி அரசாங்கத்தின் கருவூலத்தை நிலைகுலையச் செய்திருந்தனா். நாங்கள் எங்கள் வாக்குறுதியை நிச்சயமாக நிறைவேற்றுவோம் என்றாலும், ஆம் ஆத்மி கட்சி இதுகுறித்து எங்களிடம் கேள்வி கேட்க நிச்சயமாக தகுதியற்றது’ என்று கூறியிருந்தாா்.