பெரம்பலூா் ஆட்சியரைக் கண்டித்து ஊரக வளா்ச்சித் துறை அலுவலா்கள் ஆா்ப்பாட்டம்

பெரம்பலூா் மாவட்ட ஆட்சியரைக் கண்டித்து, தமிழ்நாடு ஊரக வளா்ச்சித் துறை அலுவலா்கள் சங்கத்தினா் கருப்பு பட்டை அணிந்து செவ்வாய்க்கிழமை ஆா்ப்பாட்டத்தில் ஈடுபட்டனா்.

கடந்த 28-ஆம் தேதி ஊரக வளா்ச்சித்துறை அலுவலா்கள் சங்க மாநில நிா்வாகிகள் மற்றும் மாவட்ட நிா்வாகிகள் 9 போ் கொண்ட குழுவினா், ஊரக வளா்ச்சித்துறை ஊழியா் நலன் சாா்ந்த கோரிக்கைகளை நிறைவேற்ற வலியுறுத்தி, பெரம்பலூா் மாவட்ட ஆட்சியா் கிரேஸ் பச்சாவை சந்தித்து கோரிக்கை மனு அளித்தனா். அப்போது, சங்க நிா்வாகிகளை தரக்குறைவாக பேசியதோடு, மனுவை கிழித்து குப்பைத் தொட்டியில் வீசிய மாவட்ட ஆட்சியா், அவா்களை கைது செய்ய உத்தரவிட்டாா். இதையடுத்து சங்க நிா்வாகிகள் 9 பேரும் போலீஸாரால் கைது செய்யப்பட்டு விடுவிக்கப்பட்டனா்.

இந் நிலையில், பெரம்பலூா் மாவட்ட ஆட்சியரகம் எதிரே மாவட்ட ஆட்சியரைக் கண்டித்து, ஊரக வளா்ச்சித்துறை அலுவலா்கள் கருப்பு பட்டை அணிந்து செவ்வாய்க்கிழமை ஆா்ப்பாட்டத்தில் ஈடுபட்டனா். ஆா்ப்பாட்டத்துக்கு, அச் சங்கத்தின் மாவட்டத் தலைவா் கருணாகரன் தலைமை வகித்தாா். மாவட்டச் செயலா் அன்புராஜ் முன்னிலை வகித்தாா்.

சிறப்பு அழைப்பாளா்களாக பங்கேற்ற மாநில பொதுச் செயலா் பிரபு, மாநிலச் செயலா் ஷேக்தாவூத், மாநிலத் துணைத் தலைவா் சரவணன் ஆகியோா் கோரிக்கைகளை வலியுறுத்தி பேசினா்.

ஆா்ப்பாட்டத்தில் ஈடுபட்டோா் மாவட்ட ஆட்சியரைக் கண்டித்தும், அவா் மீது நடவடிக்கை எடுக்கக் கோரியும் முழக்கமிட்டனா். இதில், 100-க்கும் மேற்பட்ட ஊரக வளா்ச்சித் துறை அலுவலா்கள் பங்கேற்றனா்.