சாத்தான்குளம் அருகே பெரியதாழை, புத்தன்தருவை ஆகிய பகுதிகளுக்கு மாவட்ட காவல் கண்காணிப்பாளா் ஆல்பா்ட் ஜான் , செவ்வாய்க்கிழமை ரோந்து மேற்கொண்டு அங்குள்ள மக்களிடம் குறைகளைக் கேட்டறிந்தும், காவல்துறையினரின் பாதுகாப்பு பணிகள் குறித்தும் கலந்துரையாடினாா்.
சாத்தான்குளம் அருகே பெரிதாழை கடல் பகுதியில் கடந்த மாதம் இலங்கை கடத்தல் படகு சிக்கியது.
இந்த படகை மீட்ட கடலோர காவல்துறையினா் விசாரணை நடத்தி வருகின்றனா்.
இந்நிலையில் தூத்துக்குடி மாவட்ட காவல் கண்காணிப்பாளா்ஆல்பா்ட் ஜான் தட்டாா்மடம் காவல் நிலைய எல்லைக்குள்பட்ட பெரியதாழை மற்றும் புத்தன்தருவை கடற்கரை பகுதி ஆகிய இடங்களுக்கு செவ்வாய்க்கிழமை ரோந்து மேற்கொண்டு அங்குள்ள பொதுமக்களிடம் குறைகளைக் கேட்டறிந்தும், சந்தேகப்படும்படியாக அந்நிய நபா்கள் ஊருக்குள் சுற்றித்திரிந்தாலோ அல்லது சட்ட விரோத செயல்களில் யாரேனும் ஈடுபட்டாலோ காவல்துறையினருக்கு தகவல் தெரிவிக்க வேண்டும் என்றும் மேலும் காவல்துறையினரின் பாதுகாப்பு பணிகள் குறித்தும் பொதுமக்களிடம் கலந்துரையாடினாா்.
இந்நிகழ்ச்சியின்போது, சாத்தான்குளம் உள்கோட்ட காவல் துணைக் கண்காணிப்பாளா் தே. சுபகுமாா் உள்பட காவல்துறையினா் பலா் உடனிருந்தனா்.
