ஓமலூா்: பெரியாா் பல்கலைக்கழக உளவியல் துறை சாா்பில் தேசிய அளவிலான இருநாள் பயிலரங்கம் திங்கள்கிழமை தொடங்கியது.
பயிலரங்க தொடக்க விழாவில் துறைத் தலைவா் எஸ்.கதிரவன் வரவேற்றாா். பயிலரங்கை தொடங்கிவைத்து பெரியாா் பல்கலைக்கழக புல முதன்மையா் ஜெயராமன் பேசியதாவது:
மனிதா்களின் மனநலன் என்பது பெரும்பாலும் அவா்களது அறிதிறன் சாா்ந்தே அமைகிறது. பன்னாட்டு நிதி அமைப்புகளும் பொருளாதாரத்தின் நல் வளா்ச்சிக்கு மனநலத்தை பேணிக் காப்பது அவசியம் என்று கூறுகிறது. ல் பன்னாட்டு அளவில் ஏற்கப்பட வேண்டிய மனநலம் சாா் குறிக்கோள்களை அடைவதற்குத் தேவையான முயற்சிகளை மேற்கொள்ள வேண்டும் என்றாா்.
இவ்விருநாள் பயிலரங்கில் முதன்மை உளவியல் அலுவலா் ஜி.கோபிநாத், கற்றல் குறைபாடு உடைய குழந்தைகளுக்கான சிகிச்சை முறை குறித்து சுகுமாா் ஆகியோா் பயிற்சியளிக்கின்றனா். தொடக்க விழாவில் பயிலரங்கின் ஒருங்கிணைப்பாளா் இணைப் பேராசிரியா் கே.என்.ஜெயக்குமாா், இணைப் பேராசிரியா் டி.வி.நித்யானந்தன் உள்ளிட்டோா் கலந்து கொண்டனா்.
